Matius 2:2 - Perjanjian Baru Bahasa Melayu Maluku Utara

² Dorang tanya pa orang-orang di sana, “Di mana e, orang Yahudi pe raja yang baru lahir? Barang, torang lia bintang satu di timur yang kase tanda Dia so lahir. Torang datang skarang mo semba pa Dia.”

Matius 2:2 ပူးပေါင်းရင်းမြစ်များ

Matius 2:3

Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem.

Matius 21:5

“Bilang suda pa orang-orang yang tinggal di kota Yerusalem, yang orang kase nama lagi Sion, bilang bagini: ‘Coba lia, ngoni pe Raja ada datang pa ngoni, Dia pe hati tara sombong. Dia cuma nae keledai pe ana satu, keledai itu masi muda.’ ”

Matius 27:11

Waktu itu, dorang bawa pa Yesus kase mangada di gubernur Pilatus. Kong gubernur tanya pa Yesus, “Butul Bapa ini orang Yahudi pe Raja?” Yesus jawab, “Bapa sandiri yang bilang bagitu.”

Lukas 19:38

Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Lukas 2:11

Kabar yang bae itu bagini: hari ini, Orang yang mo kase slamat pa manusia so lahir. Dia so lahir di Betlehem, raja Daud pe kota. Dia itu orang pangge Kristus, Raja yang Tuhan Allah janji mo kase slamat pa ngoni. Dia itu suda Tuhan.

Lukas 23:3

Kong gubernur Pilatus tanya pa Dia, “Butul Bapa ini orang Yahudi pe Raja?” Yesus jawab, “Bapa sandiri yang bilang bagitu.”

Lukas 23:38

Kong pa Yesus pe atas kapala ada papan spanggal satu tatulis bagini, “Ini orang Yahudi pe Raja.”

Yohanes 1:49

Pe dengar itu, Natanael kage kong mangaku, “Guru, skarang kita percaya, Guru memang Anak Allah. Guru ini orang Israel pe Raja!”

Yohanes 12:13

Jadi dorang ambe daong-daong palem, turus pigi sambut pa Yesus kong bilang deng suara kuat, “Hosana! Puji pa Dia yang Tuhan Allah so utus datang kamari. Dia itu bangsa Israel pe Raja!”

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Yohanes 19:19

Pilatus suru kase paku papan spanggal di atas salib itu, yang tatulis bagini, ‘Ini Yesus orang Nazaret, orang Yahudi pe Raja.’

Yohanes 20:28

Tomas bilang pa Yesus, “Bapa ini memang kita pe Tuhan deng kita pe Tuhan Allah.”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Yohanes 9:38

Orang itu bilang pa Yesus, “Tuhan, kita percaya.” Turus dia berlutut semba pa Yesus.

Ibrani 1:6

Deng waktu Tuhan Allah suru Dia pe Anak yang paling terhormat itu datang di dunia, Tuhan Allah bilang bagini, “Samua Kita pe malaekat musti semba pa Dia.”

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”