Matius 2:12 - Perjanjian Baru Bahasa Melayu Maluku Utara

¹² Abis itu, Tuhan Allah kase mimpi pa orang-orang yang pintar lia bintang itu. Tuhan Allah bilang pa dorang supaya jang bale ulang pa raja Herodes. Jadi, dorang pulang pa dong pe daera iko jalang laeng.

Matius 2:12 ပူးပေါင်းရင်းမြစ်များ

Matius 1:20

Tapi waktu Yusuf masi pikir-pikir dia pe rencana itu, Tuhan Allah pe malaekat datang pa dia dalam mimpi, kong bilang pa dia, “Yusuf, raja Daud pe turunan. Ngana tara usa tako ambe pa Maria jadi ngana pe bini, karna ana yang ada pa dia pe dalam puru itu dari Roh Kudus.

Matius 2:13

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”

Matius 2:19

Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia,

Matius 2:22

Tapi waktu Yusuf dengar Arkhelaus so jadi raja ganti pa dia pe papa Herodes di daera Yudea, Yusuf jadi tako pulang ka sana. Turus, Tuhan Allah pe malaekat kase tau pa Yusuf dalam mimpi, supaya jang dia pigi di Yudea tapi pigi di daera Galilea.

Matius 27:19

Waktu gubernur Pilatus sementara dudu di dia pe tampa dudu yang dia pake untuk adili orang, dia pe bini kirim pasáng pa dia. Dia pe bini bilang bagini, “Jang ngana iko campur Orang yang butul itu pe masala, karna gara-gara Dia, tadi malam kita dapa mimpi tentang Dia sampe kita jadi tako skali.”

Lukas 2:26

Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Kisah Para Rasul 10:22

Dorang bilang pa dia, “Bagini, bapa. Torang pe komandan kompi bapa Kornelius, suru torang datang kamari. Dia hidup butul pa Tuhan Allah pe muka deng jaga semba pa Tuhan Allah. Kong samua orang Yahudi bilang dia itu orang bae-bae. Kong baru saja, Tuhan Allah pe malaekat kudus suru pa dia la undang pa bapa pigi pa dia pe ruma, supaya dia bole dengar apa yang bapa bilang.”

Kisah Para Rasul 4:19

Tapi Petrus deng Yohanes bilang pa dorang, “Coba bapa-bapa pikir. Mana yang lebe butul pa Tuhan Allah pe muka: iko bapa-bapa pe parenta atau iko Tuhan Allah pe parenta?

Kisah Para Rasul 5:29

Tapi Petrus deng rasul-rasul yang laeng bilang, “Torang musti lebe dengar pa Tuhan Allah, bukang pa manusia!

1 Korintus 3:19

Karna apa yang manusia anggap pande, itu bodo pa Tuhan Allah pe muka. Itu so tatulis di Kitab Suci bagini, “Tuhan Allah biking sampe orang yang anggap diri pande itu pe rencana tara jadi, kong dong pe rencana itu tabale pa dong pe diri sandiri.”

Ibrani 11:7

Nuh me percaya pa Tuhan Allah, jadi Tuhan Allah kase tau pa dia akan ada banjir basar. Biar Nuh bolong perna lia macam bagitu, tapi Nuh dengar-dengaran pa Tuhan Allah, jadi dia biking kapal satu yang basar skali untuk kase slamat pa dia deng dia pe keluarga. Kong karna Nuh biking kapal itu, itu jadi tanda dia percaya apa yang Tuhan Allah bilang. Jadi jelas, orang-orang yang tara dengar-dengaran pa Tuhan Allah pantas dapa hukum dari Tuhan Allah. Deng karna Nuh pe percaya itu, dia bole dapa apa yang Tuhan Allah janji, kong Tuhan Allah biking dia jadi orang yang tara sala pa Tuhan Allah pe muka.

Ibrani 8:5

Imam-imam pe tugas yang dong biking di Tuhan Allah pe Tenda Ibada di dunia itu cuma gambaran atau conto saja deng apa yang mo jadi di sorga nanti. Jadi itu sama deng dulu, waktu nabi Musa mo biking Tenda Ibada itu, Tuhan Allah bilang pa dia, “Inga e! Ngana biking Tenda itu sama persis deng yang Kita so kase tunju pa ngana di atas gunung.”