Matius 2:1 - Perjanjian Baru Bahasa Melayu Maluku Utara

¹ Yesus lahir di Betlehem di daera Yudea, waktu Herodes jadi raja di sana. Waktu itu, babarapa orang yang pintar lia bintang pe arti, dorang datang dari bagian timur pigi di kota Yerusalem.

Matius 2:1 ပူးပေါင်းရင်းမြစ်များ

Matius 1:25

Tapi Yusuf tara tidor sama-sama deng Maria sampe Anak itu lahir. Bagitu Anak itu so lahir, Yusuf kase nama pa Dia, Yesus.

Matius 2:16

Waktu raja Herodes tau, orang-orang yang pintar lia bintang itu tara iko apa yang dia bilang, dia mara skali. Jadi dia hitung waktu mulai dari dorang pertama kali lia bintang itu, kira-kira dua taong lalu. Turus dia suru dia pe orang-orang pigi di Betlehem deng kampong-kampong yang dekat di situ la bunu pa samua ana laki-laki yang dong pe umur dua taong ka bawa.

Matius 2:19

Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia,

Matius 2:3

Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem.

Matius 2:5

Dorang jawab, “Dia mo lahir di Betlehem, di daera Yudea, karna Tuhan Allah so bilang dari dulu pa Dia pe nabi, kong itu so tatulis di Kitab Suci bagini,

Matius 2:7

Pe dengar bagitu, raja Herodes pangge babadiam pa orang-orang yang pintar lia bintang itu. Turus dia tanya-tanya pa dorang, supaya tau pasti tempo apa dorang lia bintang itu muncul.

Lukas 1:5

Waktu Herodes jadi raja di daera Yudea, ada satu imam agama Yahudi yang pe nama Zakharia. Dia itu dari imam Abia pe kelompok. Zakharia pe bini pe nama Elisabet. Dorang dua itu turunan dari imam Harun.

Lukas 2:11

Kabar yang bae itu bagini: hari ini, Orang yang mo kase slamat pa manusia so lahir. Dia so lahir di Betlehem, raja Daud pe kota. Dia itu orang pangge Kristus, Raja yang Tuhan Allah janji mo kase slamat pa ngoni. Dia itu suda Tuhan.

Lukas 2:15

Abis puji pa Tuhan Allah bagitu, malaekat-malaekat itu bale ulang di sorga. Kong gembala-gembala itu baku bilang bagini, “Mari torang pigi di Betlehem la tong lia apa yang Tuhan so bilang pa torang tadi.”

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”