Matius 19:22 - Perjanjian Baru Bahasa Melayu Maluku Utara

²² Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.

Matius 19:22 ပူးပေါင်းရင်းမြစ်များ

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Matius 14:9

Waktu raja Herodes dengar apa yang ana parampuang itu minta, dia pe hati jadi susa. Tapi karna dia so basumpa pa ana parampuang itu di dia pe tamu-tamu pe muka, dia kase iyo apa yang ana itu minta.

Matius 16:26

Tarada dia pe untung to, kalu satu orang dapa samua harta di dunia ini, tapi dia tara dapa hidup deng Tuhan Allah slama-lamanya. Pasti tarada yang bole dia kase untuk dapa hidup deng Tuhan Allah slama-lamanya.

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Matius 19:23

Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.

Matius 6:24

Tarada satu orang yang bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang laeng. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

Markus 10:22

Pe dengar Yesus bilang bagitu, orang itu langsung pe hati susa kong dia pigi deng hati sedi, barang dia pe harta banya skali.

Markus 6:26

Waktu raja Herodes dengar apa yang ana parampuang itu minta, dia pe hati jadi susa skali. Tapi karna dia so basumpa pa ana parampuang itu di dia pe tamu-tamu pe muka, jadi mau tara mau dia so tara bisa tolak ana itu pe mau.

Lukas 18:23

Pe dengar Yesus bilang bagitu, dia jadi sedi deng hati susa, barang dia kaya skali.

Yohanes 16:20

Inga bae-bae yang Kita mo bilang ini. Waktu ngoni so tara lia lagi pa Kita, ngoni memang mo manangis deng bataria, tapi orang-orang yang tara percaya pa Kita mo sanang. Ngoni mo sedi, tapi nanti ngoni pe sedi itu mo beruba jadi sanang.

Efesus 5:5

Ngoni inga suda ini bae-bae: orang yang baseks sabarang, yang biking hal-hal yang cafarune, deng yang ingin orang pe barang jadi dia punya, tara ada yang akan jadi Tuhan Allah deng Yesus Kristus pe umat yang Dia Berkuasa sebagai Raja pa dorang pe hidup, barang dorang lebe kase penting hal-hal itu daripada Tuhan.

Kolose 3:5

Jadi, karna Yesus Kristus so ruba ngoni pe hidup jadi baru, ngoni berenti suda iko dunia pe mau, macam deng: baseks sabarang, biking hal-hal yang cafarune, iko napsu yang tara bae, ingin biking barang yang jahat, deng golojo orang pe barang. Karna kalu torang golojo orang pe barang, itu berarti, torang so kase lebe penting barang itu daripada Tuhan.