Matius 19:21 - Perjanjian Baru Bahasa Melayu Maluku Utara

²¹ Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Matius 19:21 ပူးပေါင်းရင်းမြစ်များ

Matius 16:24

Turus, Yesus bilang pa Dia pe murit-murit, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib, kong iko pa Kita.

Matius 19:20

Kong ana muda itu bilang pa Yesus, “Samua parenta itu kita so biking. Apa lagi yang masi kurang?”

Matius 19:22

Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.

Matius 19:28

Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel.

Matius 4:19

Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Matius 8:22

Tapi Yesus bilang pa dia, “Iko suda pa Kita skarang, kong kase biar suda orang mati urus dorang pe penguburan sandiri.”

Matius 9:9

Abis itu, Yesus pigi kase tinggal tampa itu, kong Dia dapa lia ada tukang tagi pajak satu dudu bakarja pa dia pe tampa batagi pajak. Orang itu pe nama Matius. Kong Yesus bilang pa dia, “Mari iko pa Kita.” Pe dengar bagitu, Matius badiri kong iko pa Yesus.

Markus 10:21

Yesus lia pa orang itu deng rasa kasiang, kong bilang pa dia, “Tapi masi ada satu yang ngana bolong biking. Ngana pigi suda kong jual samua ngana pe harta la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Markus 2:14

Abis itu, Yesus bajalang lagi kong Dia dapa lia satu orang yang pe nama Lewi. Dia itu, Alfeus pe ana. Lewi ini tukang tagi pajak. Dia ada dudu di dia pe tampa karja, tampa untuk tarima pajak. Yesus bilang pa dia, “Mari iko pa Kita!” Pe dengar itu, Lewi turus badiri kong iko pa Yesus.

Markus 8:34

Turus Yesus pangge pa Dia pe murit-murit deng orang banya itu, kong Yesus bilang pa dorang, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib untuk iko pa Kita.

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Lukas 14:33

Bagitu lagi deng ngoni. Kalu ngoni mau jadi Kita pe pengikut, ngoni bapikir bae-bae dulu, ngoni mampo mo kase tinggal samua yang ngoni punya ka tarada. Kalu ngoni tara mampo itu, ngoni tara bisa iko pa Kita.”

Lukas 16:9

Jadi ini yang Kita mo bilang pa ngoni: pake ngoni pe harta dunia untuk tolong orang supaya bole dapa banya tamang. Jadi kalu ngoni pe harta so abis, ngoni nanti mo dapa tarima di ngoni pe tampa tinggal di sorga.

Lukas 18:22

Pe dengar itu, Yesus bilang, “Tapi masi ada satu yang ngana bolong biking. Ngana jual samua ngana pe harta kong kase bage-bage doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 5:27

Abis itu, Yesus kaluar dari ruma itu, kong Dia lia ada tukang tagi pajak satu sementara dudu di dia pe tampa batagi pajak. Tukang tagi pajak itu pe nama Lewi. Yesus bilang pa dia, “Mari iko pa Kita.”

Lukas 6:40

Tarada murit yang lebe dari dia pe guru. Tapi kalu dia so selesai balajar dari dia pe guru, dia bisa jadi sama deng dia pe guru.

Lukas 9:23

Yesus bilang pa dorang samua, “Sapa yang mo iko pa Kita, dia tara bole iko dia pe mau. Tiap hari dia musti siap menderita sampe mati karna iko pa Kita, itu sama deng dia pikul dia pe salib untuk iko pa Kita.

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Kisah Para Rasul 2:45

Ada dari dorang yang jual dorang pe harta, kong doi itu dong kase bage-bage iko orang-orang itu pe perlu.

Ibrani 10:34

Ngoni memang rasa kasiang kong so bantu pa orang-orang yang maso penjara karna percaya pa Yesus Kristus. Kong waktu orang rampas ngoni pe harta, ngoni tarima deng hati sanang saja, barang ngoni tau, nanti ngoni akan dapa harta dari Tuhan di sorga yang lebe bagus, kong harta itu akan tetap ada sampe slama-lamanya.