Matius 19:20 - Perjanjian Baru Bahasa Melayu Maluku Utara

²⁰ Kong ana muda itu bilang pa Yesus, “Samua parenta itu kita so biking. Apa lagi yang masi kurang?”

Matius 19:20 ပူးပေါင်းရင်းမြစ်များ

Matius 19:19

ngana musti hormati ngana pe papa deng ngana pe mama, deng ngana musti sayang pa orang laeng sama deng ngana sayang pa ngana pe diri sandiri.”

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 15:29

Tapi dia bilang pa dia pe papa, ‘Papa, deng taong-taong kita karja karas untuk papa. Kita tara perna langgar papa pe parenta. Tapi biar bagitu, papa tara perna kase kita kambing paranggang biar satu ekor la kita baacara deng kita pe tamang-tamang.

Lukas 15:7

Kita bilang pe ngoni e, umpama itu pe arti bagini, Tuhan Allah deng malaekat di sorga akan sanang skali kalu ada satu orang berdosa yang bertobat. Dorang lebe sanang, kalu satu orang berdosa yang bertobat daripada sembilan pulu sembilan orang yang so rasa diri butul kong tara perlu bertobat.”

Yohanes 8:7

Waktu dorang tanya turus-turus pa Yesus, Dia badiri kong bilang pa dorang, “Sapa dari ngoni yang tara berdosa, dia suda yang kamuka lempar pa parampuang ini deng batu.”

Roma 7:9

Dulu, waktu kita bolong tau aturan di lima kitab Musa, kita pikir kita pe hidup so butul. Padahal waktu kita tau aturan di lima kitab Musa, baru kita sadar kita so biking dosa. Kong di kita pe hati, kita lebe tamba ingin skali mo biking dosa.

Galatia 3:24

Jadi waktu itu, aturan-aturan di lima kitab Musa itu jadi sama deng torang pe guru yang ajar deng pimpin pa torang sampe di waktu Yesus Kristus datang di dunia. Waktu Yesus Kristus datang, sapa saja yang percaya pa Dia, Tuhan Allah biking dia jadi orang yang tara sala pa Tuhan Allah pe muka.

Filipi 3:6

Mala, dari samua orang Farisi itu, kita ini yang paling smangat siksa pa orang-orang yang percaya pa Yesus Kristus, karna kita kira kata, dorang tara percaya pa Tuhan Allah deng butul, deng kata, kalu kita siksa pa dorang, kita hormati pa Tuhan Allah. Kong kalu bicara tentang iko aturan-aturan di lima kitab Musa, tarada yang bisa lawan pa kita, barang kita iko deng butul-butul samua aturan di lima kitab Musa itu.