Matius 18:35 - Perjanjian Baru Bahasa Melayu Maluku Utara

³⁵ Bagitu lagi deng Kita pe Bapa di sorga, Dia mo pake cara yang sama deng itu pa ngoni kalu ngoni tara kase ampun butul-butul pa ngoni pe sudara yang percaya.”

Matius 18:35 ပူးပေါင်းရင်းမြစ်များ

Matius 18:34

Raja itu jadi mara skali pa orang karja itu. Kong raja serakan orang karja itu pa dia pe tukang-tukang pukul di penjara supaya dorang siksa pa dia sampe dia bisa kase lunas dia pe utang.

Matius 6:12

Deng kase ampun torang pe sala, sama deng torang me kase ampun orang yang sala pa torang.

Markus 11:25

Tapi kalu ngoni berdoa kong ngoni pe hati tara sanang pa orang yang biking sala pa ngoni, ngoni musti kase ampun pa orang itu dulu, supaya ngoni pe Bapa di sorga me akan kase ampun pa ngoni dari ngoni pe dosa-dosa.”

Markus 11:26

[Kalu ngoni tara kase ampun pa orang yang biking sala pa ngoni, pasti ngoni pe Bapa di sorga me tara mo kase ampun pa ngoni].

Lukas 16:15

Yesus bilang pa dorang, “Di orang pe muka, ngoni kase tunju diri butul, padahal tarada. Tuhan Allah tau ngoni pe hati. Inga e, apa yang manusia suka skali, itu yang Tuhan Allah paling tara suka.

Yakobus 2:13

Barang, waktu Tuhan Allah mo adili pa manusia nanti, Dia tara rasa kasiang pa orang-orang yang tara ada rasa kasiang pa orang laeng. Tapi orang-orang yang pe hidup ada rasa kasiang pa orang laeng, Tuhan Allah tara hukum pa dorang.

Yakobus 3:14

Tapi kalu ngoni masi suka mangiri deng cuma pikir diri sandiri, jang ngoni basombong bilang ngoni itu pande skali. Kalu ngoni bagitu, ngoni so kase putar bale ajaran yang butul.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.