Matius 18:19 - Perjanjian Baru Bahasa Melayu Maluku Utara

¹⁹ Kita bilang lagi pa ngoni, kalu di dunia ini ada dua orang dari ngoni yang satu hati berdoa minta apa saja, pasti Kita pe Bapa di sorga mo kase apa yang dorang minta itu.

Matius 18:19 ပူးပေါင်းရင်းမြစ်များ

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 5:24

ngoni kase tinggal dulu ngoni pe korban persembahan itu di tampa itu pe muka. Kong ngoni pigi suda pa orang itu la baku dame dulu deng dia, baru ngoni bale kase ngoni pe korban persembahan itu pa Tuhan Allah.

Matius 7:7

Yesus bilang lagi, “Minta suda pa Tuhan Allah apa yang ngoni perlu, nanti Dia akan kase apa yang ngoni minta itu. Cari suda pa Tuhan Allah apa yang ngoni perlu, nanti ngoni akan dapa itu dari Dia. Toki suda Tuhan Allah pe pintu, nanti Dia akan buka pintu untuk tolong pa ngoni.

Markus 11:24

Karna itu, inga e, kalu ngoni berdoa pa Tuhan, apa saja yang ngoni minta, ngoni musti percaya ngoni akan tarima, kong pasti ngoni mo dapa itu.

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Yohanes 16:23

Kong waktu torang baku dapa ulang itu, ngoni so tara mo tanya apa-apa lagi pa Kita. Kita bilang pa ngoni, waktu itu lagi, samua yang ngoni minta pa Kita pe Bapa, Dia mo kase pa ngoni karna ngoni so jadi Kita pe umat.

Kisah Para Rasul 1:14

Dorang samua salalu bakumpul la berdoa deng satu hati. Dorang berdoa sama-sama deng babarapa parampuang, Yesus pe sudara-sudara, deng Maria Yesus pe mama.

Kisah Para Rasul 12:5

Jadi Petrus dapa tahang di penjara. Tapi biar bagitu me, orang-orang yang percaya tara berenti-berenti berdoa pa Tuhan Allah untuk Petrus.

Kisah Para Rasul 16:10

Abis Paulus dapa penglihatan itu, torang samua ambe keputusan, Tuhan Allah suka torang pigi kase tau Kabar Bae tentang Yesus Kristus pa orang-orang di Makedonia. Jadi, torang langsung basadia pigi ka sana.

Kisah Para Rasul 6:4

supaya torang rasul-rasul ada lebe banya waktu untuk berdoa deng kase tau Tuhan pe firman pa orang-orang.”

Filipi 1:19

barang kita tau, kita akan slamat dari sengsara ini, karna ngoni pe doa deng karna Yesus Kristus pe Roh mo tolong pa kita.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.