Matius 18:17 - Perjanjian Baru Bahasa Melayu Maluku Utara

¹⁷ Tapi kalu dia masi tara tarima apa yang dorang bilang, kase tau suda masala itu pa jemaat. Kong kalu jemaat so togor, turus dia tara mau dengar lagi, anggap saja dia itu orang yang tara kanal Tuhan Allah. Atau, anggap saja dia itu berdosa sama deng tukang tagi pajak yang jaga tipu orang.

Matius 18:17 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Matius 6:7

Jadi kalu ngoni berdoa, jang sama deng orang-orang yang tara kanal Tuhan Allah biasa biking. Dorang berdoa panjang-panjang deng kase ulang-ulang, karna dong kira kata, kalu dong berdoa bagitu, Tuhan Allah mo dengar kong mo kase apa yang dong minta.

Lukas 15:1

Satu kali sama deng biasa, ada banya tukang tagi pajak deng orang-orang laeng yang orang anggap berdosa, dorang datang pa Yesus untuk dengar Dia pe ajaran.

Lukas 18:11

Orang dari aliran Farisi itu badiri basandiri kong dia berdoa bagini, ‘Ya Tuhan Allah, kita bilang tarimakasi, karna kita bukang orang berdosa sama deng orang laeng. Kita ini bukang orang yang suka rampas orang laeng pe barang, kita bukang orang yang tara butul, kita bukang orang yang jaga baku suka deng orang pe bini, deng kita bukang lagi sama deng tukang tagi pajak ini.

1 Korintus 5:9

Di kita pe surat satu yang kamuka, kita so bilang pa ngoni, jang ngoni batamang deng orang-orang yang baseks sabarang.

1 Korintus 6:1

Sudara-sudara yang percaya, kalu ada dari ngoni yang baku tasala, bikiapa kong ngoni bawa ngoni pe masala itu di pengadilan untuk urus ngoni pe masala? Jang ngoni bagitu. Tapi ngoni musti bawa ngoni pe masala itu pa orang-orang yang sama-sama percaya, la dorang bantu pa ngoni untuk kase selesai ngoni pe masala itu.

2 Tesalonika 3:6

Sudara-sudara, karna kita Tuhan Yesus Kristus pe utusan, kita minta pa ngoni supaya ngoni bajao dari sudara-sudara yang sama-sama percaya yang tara mancari deng tara iko ajaran yang torang so kase ajar pa ngoni.

1 Timotius 6:5

Orang yang jaga kase ajar ajaran sesat itu, dong pe hidup suka baku malawang, deng dorang itu tara tau apa yang butul, kong dong kira deng hidup iko Tuhan Allah pe mau, dong mo jadi kaya.