Matius 18:14 - Perjanjian Baru Bahasa Melayu Maluku Utara

¹⁴ Bagitu lagi deng ngoni pe Bapa di sorga, Dia tara mau Dia pe ana-ana ada yang ilang dari Dia, biar cuma satu saja.”

Matius 18:14 ပူးပေါင်းရင်းမြစ်များ

Matius 18:13

Bagitu dia dapa domba satu yang ilang itu, dia sanang skali. Kita bilang pa ngoni e, dia pe sanang itu lebe basar dari dia pe sanang untuk domba yang sembilan pulu sembilan ekor yang tara ilang itu.

Matius 18:15

Kong Yesus bilang lagi, “Kalu ada ngoni pe sudara yang percaya biking sala pa ngoni, ngoni sandiri yang pigi pa dia, kong cuma ngoni dua saja, baru ngoni kase tau dia pe sala. Kong kalu dia mangaku dia sala, berarti ngoni dua so berhasil baku bae ulang.

Matius 5:16

Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”

Matius 6:32

Karna cuma orang-orang yang tara percaya pa Tuhan Allah yang hawater tentang samua itu. Tapi ngoni, ngoni tara perlu hawater, karna ngoni pe Bapa di sorga tau ngoni perlu samua itu.

Matius 6:9

Karna itu, kalu ngoni berdoa, berdoa macam bagini, ‘Torang pe Bapa yang ada di sorga, samua puji deng hormat pa Bapa, karna Bapa itu kudus.

Lukas 12:32

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Yohanes 17:12

Selama Kita ada deng dorang, Kita jaga pa dorang pake kuasa yang Bapa so kase pa Kita. Kita jaga pa dorang supaya tarada dari dorang yang tapisa deng Bapa, kacuali satu orang, Dia itu memang musti bagitu, supaya apa yang so tatulis dulu di Kitab Suci itu mo jadi.

Yohanes 21:15

Waktu dorang so abis makang, Yesus batanya pa Simon Petrus, “Simon, Yohanes pe ana, apa ngana sayang pa Kita lebe dari dorang ini?” Simon jawab pa Yesus, “Iyo Tuhan, Tuhan tau, kita sayang pa Tuhan.” Yesus bilang pa dia, “Kalu bagitu, urus bae-bae Kita pe umat, sama deng gembala yang urus bae-bae dia pe domba-domba.”

2 Timotius 2:10

Karna itu, kita sabar tanggung siksa itu samua deng tetap kase tau Kabar Bae tentang Yesus Kristus, supaya orang yang Tuhan Allah so pili mo jadi Dia pe umat bole percaya pa Kristus Yesus. Deng bagitu, dong bole dapa slamat deng dapa puji deng hormat sama-sama deng Tuhan Allah slama-lamanya.

Ibrani 12:13

Kong hidup iko turus pa Tuhan Allah saja supaya orang laeng yang kurang percaya pa Tuhan Allah bole iko ngoni pe conto itu, turus dorang me jadi percaya kuat pa Tuhan Allah. Itu bole kase sama deng ngoni bajalang di jalang yang lurus supaya orang yang pe kaki tempang mo iko pa ngoni la jang dong bajalang tasala lagi tapi bisa bajalang bae-bae.

2 Petrus 3:9

Tapi ada orang yang anggap Tuhan Allah talalu lama mo biking Dia pe janji tentang Yesus Kristus mo datang ulang, padahal tara bagitu. Yesus Kristus bolong datang itu, karna Tuhan Allah sabar deng ngoni, Dia suka samua orang ada waktu untuk bertobat. Dia tara mau ada orang yang mati tapisa slama-lamanya dari Dia, biar lagi cuma satu orang.