Matius 18:12 - Perjanjian Baru Bahasa Melayu Maluku Utara

¹² Yesus bilang lagi, “Ngoni pikir umpama ini dulu. Ada satu orang yang pe domba saratus ekor, kong ada satu yang ilang. Kira-kira orang itu mo biking apa e? Tantu dia mo kase tinggal domba yang sembilan pulu sembilan itu di panta gunung, kong pigi cari domba satu yang ilang itu, to?

Matius 18:12 ပူးပေါင်းရင်းမြစ်များ

Matius 12:11

Kong Yesus bilang pa dorang, “Kalu ada dari ngoni pe domba satu ekor jatu di lobang pas hari Sabat, pasti ngoni turung ka bawa ambe di lobang itu la kase kaluar pa dia, to?

Matius 18:13

Bagitu dia dapa domba satu yang ilang itu, dia sanang skali. Kita bilang pa ngoni e, dia pe sanang itu lebe basar dari dia pe sanang untuk domba yang sembilan pulu sembilan ekor yang tara ilang itu.

Matius 21:28

Yesus batanya pa pemimpin-pemimpin agama Yahudi itu, “Dengar Kita carita umpama ini dulu, abis baru Kita mo tanya pa ngoni. Ada bapa satu pe ana laki-laki dua orang. Satu kali, dia pigi pa dia pe ana yang tua kong bilang bagini, ‘Hari ini, ngana pigi bakarja di kobong anggur.’

Matius 22:42

“Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?” Kong dorang jawab pa Yesus, “Dia itu raja Daud pe turunan.”

1 Korintus 10:15

Kita ini bicara pa ngoni orang-orang yang bisa mangarti banya hal, jadi ngoni pikir suda sandiri apa yang kita bilang ini!

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.