Matius 18:10 - Perjanjian Baru Bahasa Melayu Maluku Utara

¹⁰ Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 18:10 ပူးပေါင်းရင်းမြစ်များ

Matius 1:20

Tapi waktu Yusuf masi pikir-pikir dia pe rencana itu, Tuhan Allah pe malaekat datang pa dia dalam mimpi, kong bilang pa dia, “Yusuf, raja Daud pe turunan. Ngana tara usa tako ambe pa Maria jadi ngana pe bini, karna ana yang ada pa dia pe dalam puru itu dari Roh Kudus.

Matius 12:20

Dia bae pa orang-orang yang lema, itu sama deng Dia tara kase putus bulu yang so pata, sama lagi deng Dia tara mo kase mati pelita yang dia pe manyala so kacil. Dia mo pimpin pa manusia sampe yang adil menang dari yang tara adil.

Matius 18:14

Bagitu lagi deng ngoni pe Bapa di sorga, Dia tara mau Dia pe ana-ana ada yang ilang dari Dia, biar cuma satu saja.”

Matius 18:6

Yesus bilang lagi, “Kalu ada orang yang biking orang biasa-biasa sama deng ana-ana kacil ini jadi berdosa sampe tara percaya lagi pa Kita, lebe bae ika orang itu pe leher, deng gantong batu basar satu pa dia kong kase tenggelam di dalam laut.

Matius 2:13

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”

Matius 2:19

Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia,

Matius 24:31

Turus, trompet akan babunyi kuat skali, kong Anak Manusia mo suru pa Dia pe malaekat-malaekat kaluar untuk kumpul pa samua Dia pe umat yang Dia so pili dari samua tampa di dunia ini, dari ujung ka ujung.”

Lukas 1:19

Kong malaekat bilang pa dia, “Kita ini Gabriel yang salalu ada deng Tuhan Allah untuk layani pa Dia. Dia utus pa kita untuk bilang kabar yang bae ini pa ngana.

Lukas 10:16

Abis itu, Yesus babale bilang ulang pa orang-orang yang ada iko pa Dia, “Orang yang dengar pa ngoni, itu sama saja deng dia dengar pa Kita. Orang yang tolak pa ngoni, dia itu me so tolak pa Kita. Sapa tolak pa Kita, dia itu me so tolak pa Tuhan Allah yang utus pa Kita.”

Lukas 16:22

Satu kali, orang miskin itu mati, kong malaekat-malaekat bawa pa dia di tampa yang terhormat, pa Abraham pe pinggir. Orang kaya itu me mati kong orang kubur pa dia.

Kisah Para Rasul 10:3

Satu kali, kira-kira jam tiga sore waktu agama Yahudi pe jam berdoa, Kornelius dapa penglihatan. Waktu itu, dia lia Tuhan Allah pe malaekat datang kong pangge pa dia, “Kornelius!”

Kisah Para Rasul 12:15

Tapi orang-orang di situ bilang pa pembantu parampuang itu, “Ngana so gila kaapa!” Tapi pembantu itu bakaras bilang, di sana itu butul-butul Petrus. Dorang bilang lagi, “Itu mangkali cuma Tuhan pe malaekat yang jaga pa Petrus kaapa.”

Kisah Para Rasul 12:23

Waktu itu, Herodes kase biar dorang puji deng hormat pa dia. Dia tara bilang dorang musti puji deng hormat pa Tuhan Allah. Jadi, waktu itu suda Tuhan pe malaekat tampeleng pa Herodes, kong cacing-cacing makang pa dia sampe mati.

Kisah Para Rasul 27:23

Kita tau apa yang mo jadi pa torang, barang Tuhan Allah so kase tau pa kita. Tuhan Allah itu yang so biking kita jadi Dia pe umat deng yang kita semba. Tadi malam Dia pe malaekat datang badiri pa kita pe pinggir.

Kisah Para Rasul 5:19

Tapi dia pe malam itu saja, Tuhan pe malaekat satu datang kong buka penjara pe pintu-pintu, turus bawa pa dorang kaluar. Dia bilang,

Roma 14:10

Jadi, ngoni yang makang samua macam makanang, tara bole pandang enteng pa ngoni pe sudara yang percaya yang makang sayor saja. Bagitu lagi ngoni yang cuma makang sayor, ngoni tara bole kase sala ngoni pe sudara yang percaya yang makang samua macam makanang. Karna nanti satu waktu torang samua akan mangada pa Tuhan Allah di kursi raja untuk dapa adili.

Roma 14:21

Lebe bae jang ngoni makang daging atau minum anggur atau biking apa-apa, kalu itu cuma biking ngoni pe sudara yang percaya jadi berdosa.

Roma 15:1

Torang yang pe percaya so kuat pa Tuhan, torang musti sabar pa orang-orang yang pe percaya bolong kuat pa Tuhan. Jang torang cuma cari tong pe sanang sandiri.

1 Korintus 11:22

Bikiapa kong ngoni sampe jadi bagitu? Pa ngoni pe ruma ada makanang, to? Yang ngoni biking itu, ngoni biking malu pa Tuhan Allah pe jemaat deng pa orang-orang miskin, barang orang-orang miskin itu tara ada apa-apa untuk dong makang di ruma! Yang ngoni biking itu kita sama skali tara puji.

1 Korintus 16:11

Jadi, jang ada dari ngoni yang pandang enteng pa Timotius! Tapi ngoni tolong pa dia, supaya dia bole kase turus dia pe perjalanan deng slamat, sampe dia bole bale ulang pa kita. Karna kita di sini ada tunggu pa dia sama-sama deng torang pe sudara-sudara laeng yang percaya.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

2 Korintus 10:1

Kita Paulus, minta pa ngoni supaya ngoni dengar bae-bae yang kita mo bilang ini. Ada dari ngoni yang bilang, kita tara barani togor karas pa ngoni waktu kita ada sama-sama deng ngoni. Kata, kita cuma barani togor karas waktu torang baku jao pake surat. Tapi skarang, sama deng Yesus Kristus pe sifat yang tara sombong deng tara kasar,

2 Korintus 10:10

Karna ada yang bilang bagini, “Jang bapusing deng Paulus. Barang dia cuma tegas deng karas di surat. Tapi kalu so baku dapa langsung, dia pe hati so lombo kong dia pe kata-kata so tara guna.”

Galatia 6:1

Sudara-sudara, kalu ngoni dapa ngoni pe sudara satu yang percaya ada biking dosa, lebe bae ngoni yang Roh Kudus kuasai kase nasehat pa dia bae-bae supaya jang dia biking bagitu lagi, kong dia bole bale ulang di jalang yang butul. Ngoni me musti jaga-jaga supaya ngoni sandiri jang sampe tagoda untuk biking dosa sama deng orang itu.

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Ibrani 9:24

Barang, Yesus Kristus tara maso di Ruang Paling Suci di Tenda Ibada di dunia yang manusia biking. Ruang itu cuma conto saja dari cara semba yang butul. Tapi Yesus Kristus maso di Ruang Paling Suci yang butul yang ada di sorga. Di sana skarang Yesus Kristus jadi tong pe wakil pa Tuhan Allah pe muka.

Wahyu 8:2

Turus kita lia malaekat tuju badiri pa Tuhan Allah pe muka, kong dorang masing-masing dapa kase trompet.