Matius 17:4 - Perjanjian Baru Bahasa Melayu Maluku Utara

⁴ Pe lia itu, Petrus bilang pa Yesus, “Guru, torang sanang skali ada di sini! Kalu Guru mau, kita mo biking tenda kacil tiga di sini: satu untuk Guru, satu untuk nabi Musa deng satu lagi untuk nabi Elia.”

Matius 17:4 ပူးပေါင်းရင်းမြစ်များ

Matius 17:3

Kage-kage dorang dapa lia nabi Musa deng nabi Elia ada bacarita deng Yesus.

Lukas 9:33

Waktu nabi Musa deng nabi Elia so mo kase tinggal pa Yesus, Petrus bilang pa Yesus, “Guru, torang sanang skali ada di sini. Lebe bae torang tiga kase badiri tenda kacil tiga: satu untuk Guru, satu untuk nabi Musa, deng satu untuk nabi Elia.” Tapi Petrus asal bicara saja, dia tara sadar.

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Yohanes 7:2

Waktu itu, agama Yahudi pe hari raya Pondok Daong so dekat.

Filipi 1:23

Kita ini sama deng ada mangada dua pilihan. Kita suka mo kase tinggal dunia ini supaya bisa tinggal sama-sama deng Yesus Kristus di sorga, karna itu memang yang paling bae.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

Wahyu 21:23

Kota itu tara perlu sinar matahari deng bulan untuk kase tarang, karna Tuhan Allah pe cahaya yang luar biasa yang kase tarang kota itu, deng Anak Domba itu yang so jadi sama deng lampu yang manyala.