Matius 17:27 - Perjanjian Baru Bahasa Melayu Maluku Utara

²⁷ Bagitu lagi deng torang, tong ini Tuhan Allah pe ana-ana, jadi sebenarnya tong tara usa bayar pajak untuk Tuhan Allah pe Ruma Ibada. Tapi supaya dorang tara tersinggung, ngana pigi suda di talaga la mangael ikang. Ambe ikang yang pertama skali ngana dapa, kong buka dia pe mulu. Di situ ngana mo dapa doi yang cukup untuk bayar torang dua pe pajak untuk Ruma Ibada Pusat. Ngana ambe suda doi itu kong bayar tong dua pe pajak.”

Matius 17:27 ပူးပေါင်းရင်းမြစ်များ

Matius 17:26

Kong Petrus jawab, “Tantu orang laeng.” Turus, Yesus bilang pa dia, “Butul itu. Jadi dorang pe ana-ana sandiri tara perlu babayar pajak.

Matius 18:6

Yesus bilang lagi, “Kalu ada orang yang biking orang biasa-biasa sama deng ana-ana kacil ini jadi berdosa sampe tara percaya lagi pa Kita, lebe bae ika orang itu pe leher, deng gantong batu basar satu pa dia kong kase tenggelam di dalam laut.

Matius 18:8

Jadi kalu ngoni pe tangan atau kaki biking ngoni berdosa sampe jadi tara percaya lagi, potong kong buang suda itu. Lebe bae ngoni maso sorga cuma deng tangan satu atau kaki satu saja, daripada kaki tangan lengkap tapi ngoni dapa buang di neraka yang dia pe api tara mati-mati.

Matius 5:29

Kalu gara-gara ngoni pe mata kanan sampe ngoni jadi berdosa, cungkel suda kong buang mata itu! Karna lebe bae ngoni pe mata sabla ilang kong ngoni tara dapa hukum, daripada ngoni pe mata itu lengkap tapi ngoni pe badan anteru dapa buang di neraka.

Matius 5:30

Kong kalu ngoni pe tangan kanan biking sampe ngoni jadi berdosa, potong suda kong buang tangan itu! Karna lebe bae ngoni pe tangan sabla ilang, daripada ngoni pe tangan lengkap tapi ngoni pe badan anteru maso di neraka.”

Markus 9:42

Yesus bilang lagi pa dorang bagini, “Kalu ada orang yang biking sampe orang biasa-biasa sama deng ana kacil ini jadi tara percaya pa Kita lagi, lebe bae ika orang itu pe leher deng gantong batu basar satu pa dia, kong buang pa dia di dalam laut.

Markus 9:43

Kalu ngoni pe tangan sabla biking sampe ngoni jadi berdosa, potong suda ngoni pe tangan itu! Karna lebe bae ngoni maso sorga cuma deng tangan sabla, daripada ngoni pe dua tangan lengkap tapi ngoni maso di neraka, dalam api yang tara perna mati.

Lukas 17:2

Lebe bae ika orang itu pe leher deng gantong batu basar satu pa dia, kong buang pa dia di dalam laut. Lebe bae dia mati bagitu, daripada dia biking satu dari orang yang pe percaya bolong kuat jadi berdosa.

Yohanes 6:61

Tapi Yesus tau orang-orang yang jaga iko pa Dia itu ada bafeto, jadi Dia bilang pa dorang, “Bikiapa? Ngoni tara sanang deng Kita pe ajaran ini?

Roma 14:21

Lebe bae jang ngoni makang daging atau minum anggur atau biking apa-apa, kalu itu cuma biking ngoni pe sudara yang percaya jadi berdosa.

1 Korintus 8:13

Jadi, kalu gara-gara makanang itu biking kita pe sudara yang percaya pa Tuhan jadi berdosa, itu sama deng kita so biking dia pe kaki tagate di batu kong jatu. Jadi lebe bae kita sama skali tara usa makang daging itu lagi selama kita hidup. Karna kita tara mau skali kita pe sudara jadi berdosa lagi gara-gara kita.

1 Korintus 8:9

Tapi, biar ngoni bisa makang makanang apa saja, ngoni musti tetap ati-ati, jang sampe deng ngoni makang itu, itu biking ngoni pe sudara laeng yang bolong kuat percaya pa Tuhan, jadi berdosa. Itu sama deng ngoni biking dorang pe kaki tagate di batu kong jatu.

2 Korintus 6:3

Torang berusaha hidup bae-bae supaya jang torang biking orang tara mo iko pa Yesus Kristus. Jadi, deng torang hidup bae-bae bagitu, tara ada orang yang mo kase sala apa-apa pa torang di torang pe pelayanan.

2 Korintus 8:9

Sebenarnya kita tara perlu suru ngoni bantu pa dorang, barang ngoni so tau Yesus Kristus torang pe Tuhan pe bae yang Dia so kase pa ngoni. Biar Dia punya samua-samua yang ada, tapi karna Dia sayang pa torang, Dia kase tinggal samua itu supaya jadi manusia yang tara punya apa-apa. Dia biking bagitu la torang dapa banya yang bae dari Tuhan Allah.

1 Tesalonika 5:22

Kong ngoni musti bajao dari samua hal yang jahat.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.