Matius 17:20 - Perjanjian Baru Bahasa Melayu Maluku Utara

²⁰ Kong Yesus bilang pa dorang, “Itu karna ngoni tara percaya butul-butul pa Tuhan Allah. Dengar bae-bae yang Kita bilang pa ngoni, kalu ngoni pe percaya itu ada, biar cuma kacil sama deng biji yang paling kacil di dunia ini, ngoni bole bilang pa gunung ini, ‘Pinda ka sana!’ Pasti gunung ini tapinda ka sana. Jadi samua ngoni bole biking, asal ngoni percaya pa Tuhan. [

Matius 17:20 ပူးပေါင်းရင်းမြစ်များ

Matius 13:31

Kong Yesus carita umpama satu lagi pa dorang. Dia bilang, “Tuhan Allah Berkuasa sebagai Raja mulai pa sadiki orang, kong lebe hari lebe tamba banya, itu sama deng biji tanaman kacil yang orang ambe kong tanam di kobong.

Matius 14:29

Kong Yesus bilang pa dia, “Kamari suda!” Turus, Petrus turung dari parau kong dia bajalang ka sana pa Yesus.

Matius 17:17

Pe dengar bagitu, Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Matius 17:19

Abis itu, Yesus pe murit-murit pigi pa Dia waktu Dia sandiri, baru dong badekat pa Dia, turus tanya, “Guru, bikiapa kong torang tara bisa user setang itu?”

Matius 17:9

Turus waktu dorang sementara turung dari gunung itu, Yesus pasáng pa dong bagini, “Jang dulu ngoni kase carita pa sapa-sapa apa yang ngoni so lia tadi e! Nanti kalu Anak Manusia yang dari sorga so mati kong so hidup ulang, baru ngoni bole kase carita.”

Matius 21:21

Kong Yesus bilang pa dorang, “Dengar bae-bae e, kalu ngoni percaya pa Tuhan deng tara ragu-ragu, ngoni bukang cuma mampo kase kiring pohong itu, ngoni me bole parenta pa gunung ini, ‘Taangka suda kong talempar di laut!’ Pasti itu akan jadi.

Matius 8:26

Kong Yesus bangun, turus bilang pa dorang, “Ee, ngoni orang yang kurang percaya, bikiapa kong ngoni tako?” Turus Yesus badiri kong togor pa angin deng omba itu deng suara karas. Waktu itu suda, angin deng omba itu berenti, kong talaga itu jadi todo skali.

Markus 11:22

Kong Yesus bilang pa dorang, “Ngoni musti butul-butul percaya pa Tuhan Allah.

Markus 11:23

Dengar bae-bae yang Kita bilang pa ngoni, kalu ada orang yang bilang pa gunung ini, ‘Taangka kong tapinda suda di laut,’ yang dia bilang itu pasti jadi, yang penting dia pe hati tara ragu-ragu deng dia percaya, apa yang dia minta itu mo jadi.

Markus 4:31

Tuhan Allah Berkuasa sebagai Raja mulai pa sadiki orang, kong lebe hari lebe tamba banya, itu sama deng biji tanaman kacil yang ada tanam di tana. Biji itu, biji yang paling kacil di dunia.

Markus 9:23

Tapi Yesus bilang bagini, “Jang ngana bilang ‘kalu Kita dapa kase sembu!’ Samua bisa jadi kalu orang percaya pa Kita!”

Lukas 1:37

Samua itu bole jadi, karna Tuhan Allah bisa biking apa saja.”

Lukas 17:6

Kong Tuhan Yesus bilang pa dorang, “Kalu ngoni pe percaya itu ada, biar cuma kacil sama deng biji yang paling kacil, ngoni bole bilang pa pohong ara ini, ‘Pinda suda di laut kong tatanam di situ!’ Pasti pohong itu tapinda iko ngana pe parenta.”

Lukas 18:27

Yesus jawab, “Apa yang manusia tara bisa biking, Tuhan Allah bisa biking. Jadi cuma Tuhan Allah saja yang bisa kase slamat pa manusia.”

Yohanes 11:40

Yesus bilang, “Kita so bilang pa ngana tadi to? Kalu ngana percaya pa Kita, ngana akan lia Tuhan Allah pe kuasa yang hebat.”

1 Korintus 12:9

Pa yang laeng lagi, Roh Kudus yang sama itu kase karunia untuk kuat percaya pa Yesus, deng pa yang laeng, Roh Kudus yang sama itu kase karunia untuk kase sembu macam-macam panyake.

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

Ibrani 3:19

Jadi so jelas, torang orang Israel pe orang tua dulu-dulu tara bisa maso di tana yang Tuhan Allah so janji, barang dorang tara percaya pa Dia.