Matius 17:2 - Perjanjian Baru Bahasa Melayu Maluku Utara

² Kong dong tiga lia Yesus pe rupa so beruba jadi laeng. Dia pe muka basinar sama deng matahari, kong Dia pe juba jadi puti mangkilat.

Matius 17:2 ပူးပေါင်းရင်းမြစ်များ

Matius 17:1

Pe lewat anam hari, Yesus bawa pa Petrus, Yakobus deng Yakobus pe sudara Yohanes, dorang sama-sama nae di gunung satu yang tinggi. Di situ tarada orang laeng.

Matius 17:3

Kage-kage dorang dapa lia nabi Musa deng nabi Elia ada bacarita deng Yesus.

Matius 28:3

Dia pe muka basinar sama deng kilat, kong dia pe baju paling puti sama deng salju.

Markus 9:3

Dia pe baju jadi puti mangkilat. Di dunia ini tarada satu orang yang bisa biking pakeang yang puti bersi sama deng itu.

Lukas 9:29

Waktu Yesus sementara berdoa, Dia pe muka dapa lia beruba jadi laeng deng Dia pe baju jadi puti mangkilat.

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Wahyu 10:1

Abis itu, kita lia malaekat satu lagi yang kuat turung dari sorga. Dia pe badan tabungkus deng awan. Dia pe kapala takuliling deng pelangi. Dia pe muka basinar sama deng matahari, kong dia pe kaki mamanyala sama deng tiang api.

Wahyu 20:11

Abis itu, kita lia kursi raja satu warna puti yang basar, deng kita lia lagi Tuhan Allah ada dudu di atas kursi raja itu. Turus, dari Tuhan Allah pe muka itu, langit deng bumi langsung ilang sampe so tara dapa lia lagi.