Matius 16:28 - Perjanjian Baru Bahasa Melayu Maluku Utara

²⁸ Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Anak Manusia datang Berkuasa sebagai Raja.”

Matius 16:28 ပူးပေါင်းရင်းမြစ်များ

Matius 10:23

Jadi kalu orang siksa pa ngoni di kota yang satu, ngoni lari suda di kota yang laeng. Inga bae-bae e, sebelum ngoni selesai kase tau Kabar Bae itu di samua kota di Israel, Anak Manusia yang dari sorga so datang.

Matius 16:13

Yesus deng Dia pe murit-murit sampe di daera dekat kota Kaisarea Filipi. Di situ, Yesus batanya pa Dia pe murit-murit, “Yang ngoni dengar, orang-orang jaga bilang Anak Manusia ini sapa?”

Matius 24:3

Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Matius 24:34

Dengar bae-bae yang Kita bilang pa ngoni ini, orang-orang yang hidup skarang ini, ada yang masi hidup sampe samua itu jadi.

Matius 24:42

Karna itu, bajaga-jaga suda, karna ngoni tara tau tempo apa ngoni pe Tuhan mo datang.

Matius 26:64

Turus Yesus jawab, “Bapa sandiri so bilang bagitu. Tapi Kita bilang pa ngoni, nanti ngoni mo lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong datang di atas awan-awan di langit.”

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Markus 13:26

Kong waktu itu, orang akan dapa lia Anak Manusia dari sorga datang dalam awan-awan deng samua kuasa deng cahaya yang luar biasa.

Markus 8:38

Orang-orang yang hidup skarang ini tara setia iko pa Tuhan Allah. Dorang lebe suka biking dosa. Kalu ada orang yang iko pa Kita deng Kita pe ajaran kong malu pa dorang itu, nanti Kita Anak Manusia me malu mo bilang, Kita kanal pa orang itu waktu Kita datang ulang deng Kita pe Bapa pe kuasa yang luar biasa, sama-sama deng malaekat-malaekat yang kudus.”

Markus 9:1

Yesus bilang lagi pa dorang, “Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Tuhan Allah Berkuasa sebagai Raja deng Dia pe kuasa yang basar.”

Lukas 18:8

Kita bilang pa ngoni, pasti deng capat-capat Dia mo biking yang adil pa dorang. Tapi nanti waktu Anak Manusia yang dari sorga datang ulang, apa masi dapa orang percaya di dunia ini?”

Lukas 2:26

Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Lukas 9:27

Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Tuhan Allah Berkuasa sebagai Raja.”

Yohanes 21:22

Yesus jawab pa Petrus, “Kalu Kita mau dia tetap hidup sampe Kita datang ulang yang kedua kali, itu bukang ngana pe urusan. Tapi ngana, iko suda pa Kita.”

Yohanes 8:51

Inga bae-bae yang Kita bilang pa ngoni ini. Sapa saja yang iko Kita pe ajaran, dia tara akan mati sampe slama-lamanya.”

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Kisah Para Rasul 1:11

Kong dong dua bilang bagini, “Ee, orang-orang Galilea, bikiapa kong ngoni masi bahaga ka atas di langit? Yesus so taangka ka atas di sorga. Nanti Dia akan datang ulang di dunia ini, sama deng skarang ini ngoni lia Dia taangka ka atas di sorga.”

1 Korintus 15:23

Tapi samua yang akan hidup ulang itu iko dia pe giliran: yang kakamuka hidup ulang itu, Yesus Kristus. Kong nanti waktu Yesus Kristus datang ulang di dunia ini, orang-orang yang percaya pa Dia me mo hidup ulang.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

Ibrani 2:9

Tapi yang so jelas itu, Yesus Kristus yang berkuasa pa samua-samua yang ada. Dia suda yang Tuhan Allah biking Dia pe posisi sadiki lebe randa dari malaekat-malaekat. Tapi itu cuma sementara saja, cuma waktu Dia ada di dunia ini. Skarang ini, Tuhan Allah so biking Dia jadi hebat deng dapa hormati sama deng Raja karna Dia so menderita sampe mati di kayu salib. Dia rasa samua itu karna Tuhan Allah kase Dia pe bae yang cuma-cuma pa torang samua, supaya torang samua dapa slamat dari dosa-dosa.

Yakobus 5:7

Jadi, sudara-sudara, ngoni musti sabar sampe Tuhan datang ulang untuk adili pa orang-orang. Ambe conto bagini, orang yang bakobong musti sabar sampe ujang turung, baru batanam. Abis itu, dia tunggu sampe tanaman babua. Turus dia sabar sampe dapa hasil yang berharga.

2 Petrus 1:16

Torang so kase tau pa ngoni tentang torang pe Tuhan Yesus Kristus pe kuasa, deng tentang Dia mo datang ulang di dunia ini. Yang torang kase tau itu bukang carita-carita dulu-dulu yang torang karang sandiri, tapi tong tau samua itu karna torang so lia Dia pe hebat deng torang pe mata kapala sandiri.

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.