Matius 16:27 - Perjanjian Baru Bahasa Melayu Maluku Utara

²⁷ Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 16:27 ပူးပေါင်းရင်းမြစ်များ

Matius 13:41

Waktu itu, Anak Manusia yang dari sorga mo utus Dia pe malaekat-malaekat. Dorang mo kumpul pa orang-orang yang so biking orang laeng jadi berdosa deng orang-orang yang biking kajahatan, kong mo kase pisa dari Tuhan Allah pe umat yang Dia Berkuasa sebagai Raja.

Matius 13:49

Bagitu lagi yang mo jadi nanti di hari kiamat. Waktu itu, malaekat-malaekat mo datang kong kase pisa orang-orang jahat dari orang-orang yang jaga biking yang butul pa Tuhan Allah pe muka.

Matius 24:30

Kong waktu itu suda, akan ada tanda di langit supaya tau Anak Manusia yang dari sorga mo datang ulang. Pe lia bagitu, samua suku bangsa di bumi jadi tako deng manangis. Dorang samua akan lia pa Anak Manusia datang di atas awan-awan di langit deng samua kuasa deng cahaya yang luar biasa.

Matius 25:31

Yesus bilang lagi, “Anak Manusia yang dari sorga mo datang ulang deng Dia pe kuasa yang luar biasa deng samua malaekat sama-sama deng Dia, kong Dia mo dudu di kursi raja yang luar biasa.

Matius 26:64

Turus Yesus jawab, “Bapa sandiri so bilang bagitu. Tapi Kita bilang pa ngoni, nanti ngoni mo lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong datang di atas awan-awan di langit.”

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Markus 14:62

Turus Yesus jawab, “Butul, Dia itu Kita suda. Ngoni akan lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong mo datang di tenga-tenga awan di langit.”

Markus 8:38

Orang-orang yang hidup skarang ini tara setia iko pa Tuhan Allah. Dorang lebe suka biking dosa. Kalu ada orang yang iko pa Kita deng Kita pe ajaran kong malu pa dorang itu, nanti Kita Anak Manusia me malu mo bilang, Kita kanal pa orang itu waktu Kita datang ulang deng Kita pe Bapa pe kuasa yang luar biasa, sama-sama deng malaekat-malaekat yang kudus.”

Lukas 21:27

Kong waktu itu suda, orang akan dapa lia pa Anak Manusia yang dari sorga di tenga-tenga awan deng samua kuasa deng cahaya yang luar biasa.

Lukas 22:69

Tapi mulai skarang ini, Anak Manusia yang dari sorga mo dudu di tampa yang terhormat, pa Tuhan Allah Yang Paling Berkuasa pe sabla kanan.”

Lukas 9:26

Karna sapa yang malu mangaku dia iko pa Kita deng iko Kita pe ajaran, nanti waktu Kita Anak Manusia datang ulang, Kita me akan malu mangaku dia iko pa Kita. Waktu itu Kita datang deng Kita pe kuasa yang luar biasa deng Kita pe Bapa pe kuasa yang luar biasa deng malaekat-malaekat yang kudus.

Yohanes 21:22

Yesus jawab pa Petrus, “Kalu Kita mau dia tetap hidup sampe Kita datang ulang yang kedua kali, itu bukang ngana pe urusan. Tapi ngana, iko suda pa Kita.”

Yohanes 21:23

Abis Yesus bilang bagitu, kabar itu tasiar pa sudara-sudara yang percaya, bilang kata, murit satu itu tara akan mati. Padahal Yesus tara bilang murit itu tara akan mati, tapi Yesus cuma bilang kalu saja Yesus mau murit itu tetap hidup sampe Yesus datang ulang yang kedua kali, itu bukang Petrus pe urusan.

Kisah Para Rasul 1:11

Kong dong dua bilang bagini, “Ee, orang-orang Galilea, bikiapa kong ngoni masi bahaga ka atas di langit? Yesus so taangka ka atas di sorga. Nanti Dia akan datang ulang di dunia ini, sama deng skarang ini ngoni lia Dia taangka ka atas di sorga.”

Roma 14:12

Jadi nanti torang masing-masing musti mangaku pa Tuhan Allah pe muka apa yang torang so biking, deng bikiapa kong torang biking itu.

Roma 2:6

Di hari kiamat itu, Tuhan Allah mo balas pa tiap-tiap orang iko apa yang orang itu so biking.

1 Korintus 15:23

Tapi samua yang akan hidup ulang itu iko dia pe giliran: yang kakamuka hidup ulang itu, Yesus Kristus. Kong nanti waktu Yesus Kristus datang ulang di dunia ini, orang-orang yang percaya pa Dia me mo hidup ulang.

1 Korintus 3:13

Nanti di hari kiamat, dorang masing-masing pe hasil karja akan dapa priksa, bagus ka tarada. Itu sama deng ruma yang mo dapa tes deng api, apa mo angus ka tarada. Karna bahan yang bagus, akan tahang waktu dapa bakar, sedangkan bahan yang tara bagus, tara tahang waktu dapa bakar.

1 Korintus 8:8

Sebenarnya, makanang itu sandiri tara biking tong pe hubungan lebe dekat deng Tuhan Allah. Torang tara rugi kalu tara makang, deng tong tara untung lagi kalu tong makang.

2 Korintus 5:10

Torang mo kase sanang Tuhan Allah pe hati, karna nanti torang samua musti mangada pa Yesus Kristus untuk dapa adili, supaya tiap orang mo dapa apa yang pantas dia dapa. Yang pantas dia dapa itu iko apa yang dia biking waktu dia tinggal di dunia ini, bae atau jahat.

Efesus 6:8

Inga, Tuhan nanti akan balas pa sapa saja yang biking apa saja yang bae. Biar lagi dia itu orang karja yang so dapa bili ka, tarada ka, Tuhan akan balas samua.

Kolose 3:25

Jadi sapa saja yang biking barang yang tara butul, dia mo dapa hukum dari Tuhan Allah, karna Tuhan Allah itu tara pili-pili orang waktu kase hukuman.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

1 Tesalonika 4:16

Kalu Tuhan Yesus so mo datang dari sorga, nanti ada parenta satu dari sorga bilang deng suara yang kuat skali, malaekat pe pemimpin mo bicara kuat, kong Tuhan Allah pe trompet mo babunyi. Waktu itu, Yesus Kristus sandiri mo turung dari sorga kong orang-orang mati yang percaya pa Dia nanti mo kamuka hidup ulang.

Yakobus 5:7

Jadi, sudara-sudara, ngoni musti sabar sampe Tuhan datang ulang untuk adili pa orang-orang. Ambe conto bagini, orang yang bakobong musti sabar sampe ujang turung, baru batanam. Abis itu, dia tunggu sampe tanaman babua. Turus dia sabar sampe dapa hasil yang berharga.

1 Petrus 1:17

Ngoni pangge Tuhan Allah itu “Bapa” waktu ngoni berdoa pa Dia. Dia itu suda yang mo adili pa samua orang tara pake pili-pili iko deng dorang pe kalakuang. Karna itu, ngoni musti hidup deng rasa tako pa Dia selama ngoni manumpang di dunia ini.

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.

Yudas 1:14

Dulu, Henokh, Adam pe turunan yang ketuju, ada bilang apa yang Tuhan Allah pasáng pa dia bagini, “Perhatikan e, Tuhan mo datang deng Dia pe malaekat-malaekat kudus deng ribu.

Wahyu 1:7

Jadi, ngoni dengar ini bae-bae! So tara lama Yesus mo datang di tenga-tenga awan. Kong samua orang akan lia pa Dia. Bagitu lagi deng orang-orang yang dulu tikam pa Dia pake tombak me akan lia pa Dia. Samua suku di dunia akan manyasal kong manangis waktu lia pa Dia. Samua itu memang pasti mo jadi. Amin.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.

Wahyu 20:12

Turus kita lia orang-orang yang so mati, biar itu orang-orang penting atau orang-orang biasa, samua so hidup ulang deng badiri di muka kursi raja itu. Waktu itu, ada buku-buku yang tabuka yang ada tulis samua yang manusia biking di dunia ini. Ada satu lagi buku yang tabuka, buku itu dia pe nama buku kehidupan. Di buku kehidupan ini ada tulis nama orang-orang yang mo dapa hidup deng Tuhan Allah slama-lamanya. Jadi dorang samua itu mo dapa adili iko deng yang dorang so biking di dunia yang so tatulis di buku-buku itu.