Matius 16:23 - Perjanjian Baru Bahasa Melayu Maluku Utara

²³ Tapi Yesus babale kong togor pa Petrus, “Badiam ngana! Ngana pe bicara sama deng Iblis pe bicara. Ngana halangi Kita untuk biking Tuhan Allah pe mau. Barang, ngana cuma pikir apa yang manusia pikir, bukang apa yang Tuhan Allah pikir.”

Matius 16:23 ပူးပေါင်းရင်းမြစ်များ

Matius 16:22

Pe dengar Yesus bilang bagitu, Petrus hela pa Yesus pa dia pe pinggir kong togor, “Guru jang bilang bagitu. Minta doa la Tuhan Allah kase jao itu dari Guru.”

Matius 18:7

Cilaka suda orang-orang di dunia ini, karna ada banya hal yang biking orang-orang tagoda biking dosa sampe jadi tara percaya lagi. Memang hal-hal itu pasti mo ada, tapi cilaka suda orang yang biking sampe orang laeng jadi bagitu.

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Markus 8:33

Turus Yesus babale lia pa Dia pe murit-murit kong togor pa Petrus, “Badiam ngana. Ngana pe bicara sama deng Iblis pe bicara. Barang, ngana cuma pikir apa yang manusia pikir, bukang apa yang Tuhan Allah pikir.”

Lukas 4:8

Tapi Yesus bilang pa dia, “Di Kitab Suci ada tatulis bagini, ‘Ngoni musti semba pa Tuhan Allah. Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Yohanes 6:70

Yesus bilang pa dorang, “Kita sandiri yang so pili pa ngoni dua blas ini, tapi ada satu dari ngoni yang nanti mo iko pa Iblis, setang-setang pe raja, pe mau.”

Roma 14:13

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!

Roma 14:21

Lebe bae jang ngoni makang daging atau minum anggur atau biking apa-apa, kalu itu cuma biking ngoni pe sudara yang percaya jadi berdosa.

Filipi 3:19

Orang-orang yang pe hidup macam bagitu, mo tapisa deng Tuhan Allah slama-lamanya. Orang-orang itu tara iko Tuhan pe mau, mala dorang cuma biking puas dong pe diri sandiri, sampe itu suda yang jadi paling penting pa dorang pe hidup. Dorang biking hal-hal yang sebenarnya biking dong malu, tapi dong pikir dong hebat, dong suka orang puji dong biking bagitu, kong dorang cuma pikir dunia pe mau saja.

Kolose 3:2

Ngoni pikir suda turus hal-hal yang ada di sorga, bukang hal-hal yang ada di dunia.