Matius 16:20 - Perjanjian Baru Bahasa Melayu Maluku Utara

²⁰ Abis bicara, Yesus larang Dia pe murit-murit supaya dong jang kase tau pa sapa saja, Dia itu Mesias, Raja yang Tuhan Allah janji mo kase slamat pa manusia.

Matius 16:20 ပူးပေါင်းရင်းမြစ်များ

Matius 1:16

kong Yakub pe ana Yusuf. Yusuf ini yang kawing deng Maria, kong Maria ini yang kase lahir pa Yesus. Yesus ini suda yang orang jaga pangge pa Dia Kristus, Raja yang Tuhan Allah janji mo kase slamat pa manusia.

Matius 16:16

Kong Simon Petrus jawab, “Guru itu suda Mesias, Raja yang Tuhan Allah janji mo kase slamat pa manusia. Guru itu Anak Allah yang hidup!”

Matius 17:9

Turus waktu dorang sementara turung dari gunung itu, Yesus pasáng pa dong bagini, “Jang dulu ngoni kase carita pa sapa-sapa apa yang ngoni so lia tadi e! Nanti kalu Anak Manusia yang dari sorga so mati kong so hidup ulang, baru ngoni bole kase carita.”

Matius 8:4

Abis itu, Yesus bilang pa orang itu, “Inga e, jang ngana bilang pa sapa-sapa, Kita kase sembu pa ngana. Tapi ngana pigi pa imam, supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”

Markus 8:30

Kong Yesus larang karas pa dorang supaya dong jang kase tau pa sapa saja tentang Dia.

Markus 9:9

Turus, waktu dorang sementara turung dari gunung itu, Yesus pasáng pa dorang bagini, “Jang dulu ngoni kase carita pa sapa-sapa, apa yang ngoni so lia tadi e. Nanti kalu Anak Manusia yang dari sorga so mati kong so hidup ulang, baru ngoni bole kase carita.”

Lukas 2:11

Kabar yang bae itu bagini: hari ini, Orang yang mo kase slamat pa manusia so lahir. Dia so lahir di Betlehem, raja Daud pe kota. Dia itu orang pangge Kristus, Raja yang Tuhan Allah janji mo kase slamat pa ngoni. Dia itu suda Tuhan.

Lukas 9:21

Abis itu Yesus larang karas pa Dia pe murit-murit supaya dong jang kase tau pa sapa-sapa, Dia itu Mesias.

Lukas 9:36

Bagitu suara itu so tara dapa dengar lagi, dong Petrus lia cuma tinggal Yesus sandiri saja. Kong mulai waktu itu, murit tiga orang itu tara carita pa sapa-sapa apa yang dorang lia tadi.

Yohanes 1:41

Abis dari Yesus pe tampa tinggal, Andreas capat-capat pigi pa dia pe sudara Simon, kong dia bilang bagini pa dia, “Simon, torang so baku dapa deng Mesias, yang torang ada tunggu-tunggu itu, Dia itu Raja yang Tuhan Allah janji mo kase slamat pa manusia.”

Yohanes 1:45

Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 11:27

Marta jawab pa Yesus, “Iyo Tuhan. Kita percaya Tuhan itu Anak Allah yang akan datang di dunia ini, deng Tuhan itu lagi Mesias, Raja yang Tuhan Allah janji mo kase slamat pa manusia.”

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

1 Yohanes 2:22

Sapa yang pangbafoya? Tantu orang yang bilang kata, Yesus Kristus itu bukang Raja yang Tuhan Allah pili untuk kase slamat pa manusia. Orang itu musu pa Yesus Kristus. Dia tara percaya pa Bapa torang pe Tuhan Allah deng pa Anak Allah.

1 Yohanes 5:1

Tiap orang yang percaya Yesus itu Kristus, Raja yang Tuhan Allah pili, orang itu Tuhan Allah pe ana. Deng sapa saja yang sayang pa Tuhan Allah, orang itu pasti sayang pa Tuhan Allah pe ana-ana.