Matius 16:18 - Perjanjian Baru Bahasa Melayu Maluku Utara

¹⁸ Karna itu, Kita kase nama pa ngana Petrus, yang pe arti, batu fandasi yang kuat. Kong di atas batu fandasi itu Kita mo kase badiri Kita pe jemaat. Kong Kita pe jemaat itu akan ada turus, tarada apa-apa yang mampo kase berenti pa dorang, biar itu kuasa kematian.

Matius 16:18 ပူးပေါင်းရင်းမြစ်များ

Matius 10:2

Dua blas murit itu jadi Dia pe utusan-utusan, yang orang sebut rasul. Ini dorang pe nama-nama: yang pertama nama Simon (dia pe nama laeng, Petrus), Andreas (Simon pe sudara kandung), Yakobus deng Yohanes (Zebedeus pe ana-ana),

Matius 11:23

Kong ngoni orang-orang Kapernaum, ngoni kira Tuhan Allah mo angka pa ngoni di sorga? Tarada. Mala, Dia mo buang pa ngoni di neraka, karna ngoni so lia-lia Kita biking mujizat-mujizat tapi ngoni tetap tara mau bertobat. Padahal kalu jaman dulu mujizat-mujizat itu Kita biking di kota Sodom, pasti kota itu masi ada sampe skarang.

Matius 18:17

Tapi kalu dia masi tara tarima apa yang dorang bilang, kase tau suda masala itu pa jemaat. Kong kalu jemaat so togor, turus dia tara mau dengar lagi, anggap saja dia itu orang yang tara kanal Tuhan Allah. Atau, anggap saja dia itu berdosa sama deng tukang tagi pajak yang jaga tipu orang.

Matius 4:18

Satu kali bagini, Yesus ada bajalang iko di talaga Galilea pe pinggir, kong Dia dapa lia dua orang ade kaka. Yang satu dia pe nama Simon, yang orang biasa pangge pa dia Petrus, deng yang satu lagi dia pe nama Andreas. Dorang dua ada bajala ikang di talaga, barang dong pe karja bacari ikang.

Matius 7:24

Yesus bilang lagi, “Tiap orang yang dengar apa yang Kita bilang ini kong biking, dia itu sama deng orang pande yang kase badiri ruma di atas batu fandasi yang kuat.

Yohanes 1:42

Turus, Andreas antar dia pe sudara pigi pa Yesus. Waktu Yesus lia bae-bae pa Simon, Yesus bilang pa dia, “Ngana ini Simon, Yohanes pe ana laki-laki. Tapi mulai skarang, ngana pe nama Kefas.” (Kefas deng Petrus pe arti sama saja, batu).

Kisah Para Rasul 2:47

Dorang salalu puji pa Tuhan Allah, deng orang banya suka pa dorang. Kong tiap hari, Tuhan biking sampe orang yang percaya pa Dia tatamba turus supaya dorang dapa slamat dari dosa-dosa.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

1 Korintus 15:55

Ee, kuasa yang biking orang mati, so kala ngana! Mana ngana pe bisa yang bisa biking orang sampe mati?”

Galatia 2:9

Yakobus, Petrus deng Yohanes yang orang-orang jaga anggap pemimpin-pemimpin jemaat itu, waktu dorang sandiri jadi sadar Tuhan Allah so kase pa kita tugas kusus itu, dorang pegang tangan pa kita deng pa Barnabas. Dorang pegang tangan itu, jadi tanda dorang satu hati deng torang. Turus, dorang lagi setuju, kita deng Barnabas tetap kase tau Kabar Bae pa orang-orang yang bukang Yahudi, baru dorang tiga itu tetap kase tau Kabar Bae pa orang-orang Yahudi.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Efesus 5:32

Apa yang tatulis tentang laki bini itu, itu pe arti lebe dari hubungan laki bini, kong banya orang bolong tau. Kita pe maksut tentang laki bini jadi satu itu, itu Yesus Kristus pe hubungan deng Dia pe jemaat.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

1 Timotius 3:15

Jadi kalu kita ada alangan kong terlambat datang, kita pe surat so sampe pa ngana kamuka. Deng kita pe surat ini, ngana bole tau, bagimana orang percaya musti hidup sebagai Tuhan Allah pe keluarga. Kita pe maksut bilang Tuhan Allah pe keluarga, itu pe maksut, Tuhan Allah yang hidup pe jemaat. Dia pe jemaat itu yang musti pegang kuat ajaran yang butul, sama deng tiang raja deng fandasi yang biking ruma jadi kuat.

1 Timotius 3:5

Karna kalu dia tara tau ator dia pe keluarga sandiri, bagimana dia bisa ator Tuhan Allah pe jemaat?

Ibrani 12:28

Jadi mari suda, torang bilang tarimakasi pa Tuhan Allah karna torang so jadi Dia pe umat pa Dia pe kerajaan yang tara akan tagoyang deng ancor slama-lamanya. Mari torang semba pa Tuhan Allah deng cara yang biking Dia pe hati sanang, torang semba deng rasa tako kong hormati pa Dia.

Wahyu 11:15

Malaekat yang ketuju tiop dia pe trompet, turus kita dengar banya suara yang kuat skali dari sorga bilang bagini, “Skarang yang berkuasa di dunia cuma torang pe Tuhan Allah deng Yesus Kristus, Raja yang Tuhan Allah pili untuk kase slamat pa manusia. Dia itu akan Berkuasa sebagai Raja sampe slama-lamanya.”

Wahyu 21:14

Pagar tembok di kota itu ada kase badiri di atas dua blas batu fandasi basar. Di tiap batu itu, masing-masing ada tatulis Anak Domba itu pe dua blas rasul pe nama-nama.