Matius 16:14 - Perjanjian Baru Bahasa Melayu Maluku Utara

¹⁴ Kong dorang jawab, “Ada yang bilang Yohanes Pembaptis, yang laeng bilang nabi Elia. Kong yang laeng lagi bilang nabi Yeremia atau satu dari nabi-nabi laeng.”

Matius 16:14 ပူးပေါင်းရင်းမြစ်များ

Matius 14:2

Kong dia bilang pa dia pe pegawai-pegawai, “Mangkali Yesus itu Yohanes Pembaptis yang dulu mati, kong so hidup ulang kaapa? Ada harus dia bole biking mujizat-mujizat itu!”

Matius 16:15

Turus, Yesus bale tanya pa dorang, “Kong kalu menurut ngoni, Kita ini sapa?”

Matius 17:10

Kong Yesus pe murit-murit tanya pa Dia, “Bikiapa kong guru-guru agama yang ahli lima kitab Musa bilang, nabi Elia musti datang lebe kamuka dari Mesias, Raja yang Tuhan Allah janji mo kase slamat pa manusia?”

Matius 3:1

Ada satu orang dia pe nama Yohanes, dia jaga baptis orang. Satu kali bagini, dia pigi di daera Yudea di padang gurun, tampa yang jao dari kampong. Di situ, dia jaga kase tau Tuhan Allah pe pasáng pa orang-orang. Dia bilang,

Markus 6:15

Ada laeng lagi yang bilang, “Dia itu nabi Elia!” Turus ada lagi yang bilang, “Dia itu nabi laeng yang kase turus Tuhan Allah pe pasáng, sama deng nabi-nabi yang dulu.”

Markus 8:28

Dorang jawab, “Ada yang bilang Guru itu Yohanes Pembaptis, yang laeng bilang nabi Elia, atau satu dari nabi-nabi laeng yang jaga kase turus Tuhan Allah pe pasáng.”

Lukas 9:8

Ada laeng lagi yang bilang, Yesus itu nabi Elia dulu-dulu yang datang ulang. Turus ada lagi yang bilang, Yesus itu satu dari nabi dulu-dulu yang so hidup ulang.

Yohanes 1:21

Turus, dorang bale batanya lagi “Kalu bagitu, ngana ini sapa? Ngana nabi Elia yang bale ulang di dunia ka bukang?” Yohanes jawab, “Bukang!” Turus dorang tanya lagi, “Ngana itu nabi yang jaga kase turus Tuhan Allah pe pasáng, yang Dia so janji dari dulu?” Yohanes balas jawab pa dorang, “Bukang!”

Yohanes 7:12

Banya orang baku-baku bisi tentang Yesus. Ada yang bilang, “Dia itu orang bae-bae.” Ada lagi yang bilang, “Tarada, Dia itu yang jaga kase foya orang.”

Yohanes 9:17

Jadi dorang batanya ulang pa orang yang dulu buta itu, “Ngana ini yang Dia so kase sembu ngana pe mata to? Jadi menurut ngana, Dia itu sapa?” Dia jawab pa dorang, “Dia itu Nabi yang jaga kase turus Tuhan Allah pe pasáng pa orang-orang.”