Matius 16:12 - Perjanjian Baru Bahasa Melayu Maluku Utara

¹² Di situ baru Dia pe murit-murit mangarti. Yang Yesus suru dorang ati-ati deng ragi, Yesus pe maksut bukang ragi yang orang biking roti, tapi aliran Farisi deng Saduki pe ajaran yang tara bae, jang sampe dong iko.

Matius 16:12 ပူးပေါင်းရင်းမြစ်များ

Matius 16:11

Turus kalu bagitu, bikiapa kong skarang ngoni tara mangarti? Sebenarnya, yang Kita bilang tadi itu bukang tentang roti. Tapi Kita bilang ulang lagi pa ngoni, ngoni musti ati-ati deng ragi dari orang-orang aliran Farisi deng aliran Saduki!”

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Kisah Para Rasul 23:8

Dorang tabage dua, barang orang-orang dari aliran Saduki tara percaya, orang yang so mati bisa hidup ulang. Dorang me tara percaya ada roh-roh deng malaekat. Tapi, orang-orang dari aliran Farisi percaya samua itu.

1 Korintus 5:6

Tara bagus ngoni basombong macam bagitu. Jang sampe ngoni tara sadar, kalu satu orang dari ngoni biking sala, bisa pengaru orang laeng dalam ngoni pe jemaat biking sala lagi. Itu sama deng ragi yang sadiki saja, bisa kase nae adonan.