Matius 15:32 - Perjanjian Baru Bahasa Melayu Maluku Utara

³² Turus, Yesus pangge Dia pe murit-murit kong bilang bagini, “Kita rasa kasiang pa orang banya ini. So tiga hari dorang ada deng Kita, kong dong pe makanang so tarada. Kita tara mau suru dorang pulang deng puru kosong, kage kong dong smaput di jalang.”

Matius 15:32 ပူးပေါင်းရင်းမြစ်များ

Matius 12:40

Barang, sama deng nabi Yunus ada di dalam ikang basar pe puru selama tiga hari tiga malam, bagitu lagi deng Anak Manusia yang dari sorga, akan ada dalam kubur selama tiga hari tiga malam.

Matius 14:13

Waktu Yesus dengar Yohanes Pembaptis so mati, Dia deng Dia pe murit-murit pigi dari situ. Dorang nae parau satu kong pigi di tampa yang sunyi deng jao dari kampong, la mo basandiri di sana. Tapi waktu orang banya tau itu, dorang kaluar dari dong pe kota-kota kong bajalang kaki ka sana la mo baku dapa deng Yesus.

Matius 15:33

Kong Yesus pe murit-murit bilang pa Dia, “Guru, tampa ini jao dari kampong, jadi bagimana torang mo dapa makanang untuk kase makang orang pe banya ini?”

Matius 20:34

Pe dengar itu, Yesus rasa kasiang pa dorang. Dia pegang dorang pe mata kong dorang langsung bisa dapa lia. Abis itu, dorang iko pa Yesus.

Matius 27:63

Dorang bilang pa Pilatus, “Bapa gubernur, torang inga waktu Yesus yang pangbafoya itu masi hidup, Dia perna bilang, ‘Kita memang mo mati, tapi dia pe hari ketiga, Kita mo hidup ulang’.

Matius 9:36

Waktu Yesus lia pa orang banya itu, Dia rasa kasiang pa dorang. Barang, dorang pe susa banya deng dorang ilang smangat, sama deng domba yang tarada gembala untuk jaga pa dorang.

Markus 9:22

Baru setang itu me, laeng kali jaga bawa pa dia dalam api, laeng kali di dalam aer, mo kase mati pa dia. Jadi kalu Guru dapa kase sembu, tolong, deng kasiang pa torang.”

Lukas 7:13

Waktu Tuhan Yesus lia pa ibu janda itu, Dia rasa kasiang. Turus Dia bilang pa ibu itu, “Ibu, jang manangis e!”

Kisah Para Rasul 27:33

Pe amper siang, Paulus buju pa samua orang di kapal supaya dong makang. Dia bilang pa dorang, “So dua minggu ini torang samua tara makang apa-apa, barang cuma tegang deng basibuk mo cari slamat.

Ibrani 4:15

Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.