Matius 15:28 - Perjanjian Baru Bahasa Melayu Maluku Utara

²⁸ Pe dengar itu, Yesus bilang pa dia, “Ibu, ngana butul-butul so percaya, jadi apa yang ngana minta itu, jadi suda.” Waktu itu suda, ibu itu pe ana langsung sembu.

Matius 15:28 ပူးပေါင်းရင်းမြစ်များ

Matius 14:31

Kong Yesus capat-capat pegang Petrus pe tangan, turus angka pa dia. Yesus bilang, “Ee, ngana yang kurang percaya, bikiapa kong ngana ragu?”

Matius 15:27

Ibu itu bilang pa Yesus, “Butul Bapa, tapi anjing di kolong meja me makang sisa-sisa makanang yang jatu dari dong pe tuang pe meja.”

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Matius 8:13

Abis itu, Yesus bilang pa komandan itu, “Skarang, bapa pulang suda! Bapa percaya biar Kita cuma bicara dari sini, bapa pe orang karja bole sembu. Jadi skarang bapa pe orang karja so sembu sama deng yang bapa percaya.” Waktu itu suda, komandan itu pe orang karja jadi sembu.

Matius 9:22

Waktu itu, Yesus balia ka balakang, turus Dia lia pa parampuang itu. Kong Dia bilang, “Ibu, tenang suda! Ibu sembu karna ibu percaya pa Kita.” Waktu itu suda, parampuang itu langsung sembu.

Markus 5:34

Kong Yesus bilang pa parampuang itu, “Ibu, skarang ibu so sembu karna ibu percaya pa Kita. Pulang suda deng hati tenang, ibu memang so butul-butul sembu.”

Lukas 17:5

Turus, Tuhan Yesus pe murit-murit yang orang sebut rasul itu, bilang bagini pa Tuhan Yesus, “Guru, kase tamba kuat ka torang pe percaya!”

Lukas 7:50

Tapi Yesus bilang pa parampuang itu, “Ngana so slamat karna ngana percaya pa Kita. Jadi pulang suda deng hati tenang!”

Lukas 7:9

Pe dengar komandan pe bicara yang dorang kase sampe itu, Yesus jadi herang skali karna komandan itu pe percaya kuat. Turus Yesus babale mangada pa orang banya yang iko pa Dia kong bilang bagini, “Dengar bae-bae yang kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!”

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.