Matius 15:22 - Perjanjian Baru Bahasa Melayu Maluku Utara

²² Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 15:22 ပူးပေါင်းရင်းမြစ်များ

Matius 1:1

Yesus Kristus itu turunan dari raja Daud deng bapa Abraham. Ini Dia pe orang tua dulu-dulu pe nama-nama:

Matius 15:23

Tapi Yesus sama skali tara bilang apa-apa pa ibu itu. Kong Dia pe murit-murit badekat ka sana pa Dia kong bamohon, “Guru, lebe bae Guru suru dia pigi suda, karna dia bataria turus di torang pe balakang.”

Matius 17:15

Orang itu bilang pa Yesus, “Bapa, tolong pa kita pe ana ka! Dia mati-mati ayam kong so menderita skali. Kalu dia amfal, dia jaga jatu di api atau di aer.

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Lukas 17:13

Kong dorang bataria, “Yesus, Guru, kasiang ka pa torang!”

Lukas 18:13

Tapi tukang tagi pajak itu, dia badiri jao-jao. Dia tara barani mangada di langit, tapi dia sapu-sapu dia pe dada tanda manyasal, kong babilang, ‘Ya Tuhan Allah, kasiang ka pa kita. Kita ini orang berdosa.’

Lukas 6:18

Dorang datang la mo dengar Yesus pe ajaran, deng lagi supaya Dia kase sembu pa dorang dari dong pe panyake, deng orang-orang yang kemasukan setang me bole jadi bae.