Matius 15:2 - Perjanjian Baru Bahasa Melayu Maluku Utara

² “Bapa, bikiapa kong Bapa pe murit-murit langgar torang pe aturan agama? Barang, dorang makang tara kase bersi tangan dulu pake cara kusus yang torang pe orang tua dulu-dulu so ajar pa torang.”

Matius 15:2 ပူးပေါင်းရင်းမြစ်များ

Matius 15:3

Tapi Yesus bilang pa dorang, “Kong bikiapa ngoni sandiri me langgar Tuhan Allah pe parenta kong cuma iko ngoni pe orang tua dulu-dulu pe aturan?

Markus 7:2

Dorang dapa lia Yesus pe murit-murit makang tapi tara kase bersi tangan dulu iko aturan yang dorang pe orang tua dulu-dulu so ajar.

Markus 7:5

Jadi, orang-orang Yahudi dari aliran Farisi deng guru-guru agama itu batanya pa Yesus bagini, “Bikiapa kong Bapa pe murit-murit tara iko aturan dari torang pe orang tua dulu-dulu? Dorang makang tara kase bersi tangan dulu. Itu tara halal pa Tuhan Allah pe muka!”

Lukas 11:38

Pas mo makang, Yesus tara kase bersi tangan pake cara kusus iko agama Yahudi pe aturan. Jadi orang dari aliran Farisi itu herang karna dorang pe aliran itu pegang kuat agama Yahudi pe aturan.

Galatia 1:14

Kita banya skali balajar tentang aturan-aturan agama Yahudi deng kita jaga biking aturan itu. Jadi kalu mo kase banding deng orang Yahudi yang satu umur deng kita, kita yang paling jago. Kita memang butul-butul iko samua aturan yang kita pe orang tua dulu-dulu jaga iko.

Kolose 2:8

Sudara-sudara, ngoni musti ati-ati, jang sampe ada orang yang pengaru pa ngoni untuk iko deng dong pe ajaran-ajaran agama yang tara butul. Dorang pe ajaran itu tara ada dia pe guna, karna bukang ajaran tentang Yesus Kristus. Tapi dorang pe ajaran itu dari dong pe orang tua dulu-dulu deng dari roh-roh yang berkuasa di dunia ini.

1 Petrus 1:18

Barang ngoni tau, Tuhan Allah bayar mahal supaya ngoni dapa bebas dari ngoni pe cara hidup yang lama yang tara ada dia pe guna. Cara hidup yang lama itu yang ngoni tarima dari ngoni pe orang tua dulu-dulu. Tuhan Allah bayar mahal supaya ngoni bole bebas, itu Dia tara bayar deng barang yang nanti mo rusak macam deng mas atau perak,