Matius 15:13 - Perjanjian Baru Bahasa Melayu Maluku Utara

¹³ Tapi Yesus bilang pa dorang bagini, “Orang-orang yang ajar ajaran yang tara iko Kita pe Bapa yang di sorga pe mau, itu bole kase sama deng samua tanaman yang Dia tara tanam kong batumbu sandiri, kong tanaman-tanaman itu akan dapa cabu sampe pa dia pe akar-akar.

Matius 15:13 ပူးပေါင်းရင်းမြစ်များ

Matius 15:12

Abis itu, Yesus pe murit-murit datang pa Dia, kong dorang batanya bagini, “Guru, Guru sadar ka tarada, yang Guru bilang tadi itu so biking orang-orang dari aliran Farisi itu tersinggung?”

Yohanes 15:1

Yesus bilang pa Dia pe murit-murit umpama satu bagini, “Kita ini bole kase sama deng pohong anggur yang butul, kong Kita pe Bapa sama deng orang yang punya kobong anggur itu.

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

1 Korintus 3:9

Torang dua ini me sama-sama karja untuk Tuhan Allah. Kong ngoni itu sama deng Tuhan Allah pe kobong, tampa yang tong dua bakarja. Deng ngoni lagi bole kase sama deng Tuhan Allah pe ruma.

Yudas 1:12

Waktu ngoni jemaat bakumpul makang untuk inga Tuhan Allah pe sayang, orang-orang yang bawa ajaran tara butul itu kase rusak ngoni pe acara itu. Itu sama deng dorang jadi noda di acara itu. Waktu itu dorang makang tara malu-malu, golojo lagi, deng cuma pikir diri sandiri. Dorang sama deng awan yang bapinda karna angin tiop kong tara jadi ujang. Dorang me sama deng pohong-pohong yang tara babua di musim babua, yang tacabu sampe dia pe akar-akar kong mati.