Matius 15:1 - Perjanjian Baru Bahasa Melayu Maluku Utara

¹ Satu kali bagini, ada babarapa orang agama Yahudi dari aliran Farisi deng guru-guru agama Yahudi yang ahli lima kitab Musa, datang dari Yerusalem kong batanya pa Yesus,

Matius 15:1 ပူးပေါင်းရင်းမြစ်များ

Matius 23:2

“Guru-guru agama Yahudi yang ahli lima kitab Musa, deng orang-orang Yahudi dari aliran Farisi, dorang pe tugas sama deng nabi Musa dulu, untuk kase jelas aturan di lima kitab Musa.

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Markus 3:22

Guru-guru agama Yahudi yang ahli lima kitab Musa datang dari Yerusalem, kong bilang bagini, “Orang ini so kemasukan Beelzebul, setang-setang pe raja. Itu yang biking sampe Dia bisa user setang!”

Lukas 5:17

Satu kali, Yesus mangajar di ruma satu. Waktu itu ada babarapa orang Yahudi dari aliran fanatik yang pe nama Farisi deng ada lagi guru agama Yahudi yang ahli lima kitab Musa. Dorang itu dudu dengar Dia mangajar. Dorang datang dari samua kampong di daera Galilea deng Yudea, deng dari kota Yerusalem lagi. Tuhan Allah pe kuasa ada pa Yesus sampe Dia bole kase sembu orang-orang saki.

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”

Lukas 5:30

Di situ me ada orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus makang sama-sama deng orang-orang yang dapa anggap berdosa itu, dorang mara-mara, kong bilang pa Yesus pe murit-murit itu, “Cis, bikiapa kong ngoni deng ngoni pe Guru makang minum sama-sama deng tukang-tukang tagi pajak deng orang-orang berdosa yang laeng?”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Kisah Para Rasul 23:9

Orang dari aliran Farisi deng Saduki baku malawang turus, sampe di situ tatamba kaco. Di situ, babarapa guru agama Yahudi yang ahli lima kitab Musa dari aliran Farisi, dorang maju di muka, kong bela pa Paulus. Dorang bilang, “Menurut torang, orang ini tara sala sama skali! Sapa tau, memang ada roh atau malaekat yang so bicara pa dia.”

Kisah Para Rasul 25:7

Bagitu Paulus sampe di situ, samua orang Yahudi yang iko pa gubernur dari Yerusalem badiri kuliling pa Paulus. Kong dorang mulai tudu yang barát-barát pa Paulus, tapi samua yang dorang tudu itu tarada dia pe bukti apa-apa.