Matius 14:6 - Perjanjian Baru Bahasa Melayu Maluku Utara

⁶ Satu kali bagini, waktu Herodes pe hari jadi, Herodias pe ana parampuang baronggeng di muka Herodes deng dia pe tamu-tamu. Dia manari biking Herodes pe hati sanang.

Matius 14:6 ပူးပေါင်းရင်းမြစ်များ

Matius 14:3

Raja Herodes bilang bagitu, barang tempo hari, dia yang suru tangka pa Yohanes kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, Herodes pe sudara sandiri.

Matius 14:7

Karna itu, Herodes bajanji sampe dia basumpa, mo kase apa saja yang ana itu minta.

Matius 22:24

“Guru, dulu nabi Musa kase tau, laki-laki sapa saja yang so kawing kong mati tarada ana, dia pe sudara laki-laki musti kawing deng dia pe janda itu supaya sudara yang mati itu ada turunan.

Markus 6:14

Di mana-mana orang bacarita tentang Yesus, barang Dia pe nama so terkenal, sampe raja Herodes me dapa dengar itu. Ada yang bilang, “Mangkali Yesus itu Yohanes Pembaptis yang dulu mati, kong so hidup ulang kaapa? Ada harus dia bole biking mujizat pe banya itu!”

Markus 6:17

Raja Herodes bilang bagitu, barang tempo hari dia yang suru tangka pa Yohanes, kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, raja Herodes pe sudara sandiri.

Markus 6:19

Waktu Herodias dengar bagitu, dia simpang hati pa Yohanes, kong dia biking rencana mo bunu pa Yohanes. Tapi Herodias bolong dapa slak,

Markus 8:15

Kong Yesus bilang pa dorang, “Ngoni musti ati-ati deng orang Yahudi dari aliran Farisi pe ragi deng raja Herodes pe ragi.”

Lukas 13:31

Waktu Yesus masi bicara, babarapa orang Yahudi dari aliran Farisi datang pa Dia. Dorang bilang, “Bapa, pigi suda di tampa laeng, barang raja Herodes mo bunu pa Bapa.”

Lukas 23:11

Kong Herodes deng dia pe tentara-tentara mulai ejek deng hina pa Yesus, kong dorang kase pake pa Dia juba bagus yang sama deng raja-raja jaga pake. Turus, dorang kase bale ulang Dia pa Pilatus.

Lukas 23:7

Pas dia tau Yesus itu orang Galilea, Pilatus suru dorang bawa pa Yesus pigi pa Herodes Antipas, barang dia yang berkuasa di daera Galilea. Waktu itu, Herodes ada di Yerusalem.

Lukas 3:1

Tiberius so jadi raja basar Roma, kong waktu maso taong kelima blas, Pontius Pilatus yang jadi gubernur di daera Yudea, deng Herodes jadi raja di daera Galilea, Herodes pe sudara nama Filipus jadi raja di daera Iturea deng daera Trakhonitis, turus Lisanias jadi raja di daera Abilene.

Lukas 3:19

Yohanes me togor pa raja Herodes. Herodes ini berkuasa di daera Galilea. Yohanes togor pa Herodes, barang Herodes kawing deng Herodias, dia pe ipar sandiri. Yohanes me togor lagi pa Herodes, barang banya skali kajahatan laeng yang Herodes biking.

Lukas 8:3

Ada lagi Yohana, Khuza pe bini. Khuza ini kapala pelayan di raja Herodes pe istana. Deng ada yang nama Susana deng banya parampuang laeng. Samua parampuang ini pake dong pe harta untuk bantu pa Yesus deng Dia pe murit-murit pe hidup hari-hari.

Kisah Para Rasul 12:1

Waktu itu, raja Herodes mulai jaga siksa pa babarapa anggota jemaat di kota Yerusalem.

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.