Matius 14:36 - Perjanjian Baru Bahasa Melayu Maluku Utara

³⁶ Kong dorang bamohon pa Yesus supaya Dia kase ijin pa orang-orang saki, la dorang pegang pa Dia biar cuma pa Dia pe ujung juba. Jadi, samua orang saki yang bapegang pa Dia jadi sembu.

Matius 14:36 ပူးပေါင်းရင်းမြစ်များ

Matius 14:35

Kong waktu orang-orang di situ kanal pa Yesus, dong capat kase tau di samua tampa di daera itu, Yesus so ada. Pe dengar itu, orang-orang bawa samua orang saki pa Yesus.

Matius 23:5

Samua yang dorang biking, dorang biking cuma supaya orang puji pa dorang. Macam deng dong pe pangika kapala deng tangan, yang dong tulis isi Kitab Suci kong dong biking kase lebar-lebar. Turus, dorang pe juba pe banang-banang me dong biking kase lebe panjang supaya orang tau kata, dong iko pa Tuhan deng bae.

Markus 3:10

Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia.

Markus 6:56

Di mana saja Yesus pigi, di kampong-kampong, di kota-kota, sampe di pedalaman me, dorang taru orang-orang saki di tampa rame yang Yesus mo lewat. Dorang bamohon pa Dia supaya kase ijin pa orang-orang saki la dorang pegang pa Dia, biar cuma pa Dia pe ujung juba saja. Jadi samua orang saki yang bapegang pa Dia jadi sembu.

Markus 8:22

Waktu Yesus deng Dia pe murit-murit sampe di Betsaida, ada babarapa orang bawa orang buta satu pa Yesus. Dorang bamohon pa Yesus la Yesus taru Dia pe tangan pa orang itu supaya dia sembu.

Lukas 6:19

Samua orang di situ berusaha mo bapegang pa Yesus, barang ada kuasa yang kaluar dari Dia pe badan yang biking dorang samua jadi sembu.

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 7:23

Jadi, kalu ngoni sunat orang di hari Sabat supaya nabi Musa pe aturan itu ngoni tara langgar, bikiapa kong ngoni mara pa Kita waktu Kita ada kase sembu satu orang pas di hari Sabat?

Kisah Para Rasul 3:16

Jadi skarang, orang ini yang ngoni so tau dulu dia lumpu, ngoni lia dia so sembu. Dia so sembu karna dia so percaya pa Yesus. Dia sembu bukang karna torang pe kuasa, tapi karna Yesus pe kuasa yang biking dia sembu.