Matius 14:31 - Perjanjian Baru Bahasa Melayu Maluku Utara

³¹ Kong Yesus capat-capat pegang Petrus pe tangan, turus angka pa dia. Yesus bilang, “Ee, ngana yang kurang percaya, bikiapa kong ngana ragu?”

Matius 14:31 ပူးပေါင်းရင်းမြစ်များ

Matius 14:30

Tapi waktu Petrus dapa rasa angin kuat, dia jadi tako kong mulai tenggelam. Dia bataria pa Yesus, “Guru, tolong pa kita!”

Matius 14:32

Abis itu dorang nae di parau kong angin me jadi todo.

Matius 16:8

Tapi Yesus dapa tau apa yang dorang ada baku bilang itu, jadi Dia bilang pa dorang, “Ngoni kira Kita bicara bagitu barang ngoni tara bawa roti? Wah, berarti ngoni masi kurang percaya pa Kita!

Matius 17:20

Kong Yesus bilang pa dorang, “Itu karna ngoni tara percaya butul-butul pa Tuhan Allah. Dengar bae-bae yang Kita bilang pa ngoni, kalu ngoni pe percaya itu ada, biar cuma kacil sama deng biji yang paling kacil di dunia ini, ngoni bole bilang pa gunung ini, ‘Pinda ka sana!’ Pasti gunung ini tapinda ka sana. Jadi samua ngoni bole biking, asal ngoni percaya pa Tuhan. [

Matius 6:30

Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan Allah akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Matius 8:26

Kong Yesus bangun, turus bilang pa dorang, “Ee, ngoni orang yang kurang percaya, bikiapa kong ngoni tako?” Turus Yesus badiri kong togor pa angin deng omba itu deng suara karas. Waktu itu suda, angin deng omba itu berenti, kong talaga itu jadi todo skali.

Markus 1:31

Turus, Yesus ka sana pa Simon pe mama mantu, pegang dia pe tangan kong kase bangun pa dia. Waktu itu suda, Simon pe mama mantu sembu kong dia layani dorang makang.

Markus 1:41

Yesus rasa kasiang pa orang itu. Turus Yesus taru Dia pe tangan pa orang itu, kong Dia bilang bagini, “Kita mau ngana sembu. Jadi skarang ngana sembu suda!”

Markus 11:23

Dengar bae-bae yang Kita bilang pa ngoni, kalu ada orang yang bilang pa gunung ini, ‘Taangka kong tapinda suda di laut,’ yang dia bilang itu pasti jadi, yang penting dia pe hati tara ragu-ragu deng dia percaya, apa yang dia minta itu mo jadi.

Markus 16:7

Jadi skarang, ngoni bale suda, kase tau pa Dia pe murit-murit termasuk Petrus, bilang, ‘Yesus so kamuka di daera Galilea. Di sana ngoni akan lia pa Dia, sama deng yang Dia so bilang pa ngoni.’ ”

Markus 4:40

Abis itu, Yesus bilang pa Dia pe murit-murit, “Bikiapa kong ngoni tako? Deng bikiapa kong ngoni masi bolong percaya pa Kita?”

Markus 5:41

Di dalam kamar, Yesus pegang ana itu pe tangan, kong bilang, “Talita kum,” yang pe arti, ‘Nona! Bangun suda!’

Lukas 24:34

Kong dong dengar kabar dari kelompok itu bagini, “Memang butul, Tuhan Yesus so hidup ulang, Dia so kase tunju Dia pe diri pa Simon Petrus.”

Kisah Para Rasul 4:30

Tuhan, kase pa torang kuasa la torang bole kase sembu pa orang-orang saki, biking mujizat-mujizat deng tanda-tanda yang laeng yang kase tunju Yesus pe kuasa sampe orang jadi herang. Yesus itu kudus deng yang jaga biking apa yang Tuhan Allah suru.”

1 Timotius 2:8

Karna itu, kita mau orang-orang percaya berdoa di mana-mana, yang laki-laki angka tangan kong puji pa Tuhan deng hati yang bersi. Dorang tara bole mara deng tara bole baku malawang deng orang laeng.

1 Petrus 1:5

Ngoni ini, Tuhan Allah ada jaga deng Dia pe kuasa karna ngoni percaya pa Dia. Dia jaga pa ngoni sampe ngoni mo dapa slamat dari dosa-dosa. Slamat itu yang Dia so kase sadia di hari kiamat nanti.