Matius 13:8 - Perjanjian Baru Bahasa Melayu Maluku Utara

⁸ Tapi ada bibit laeng yang jatu di tana yang subur. Bibit itu batumbu, turus babua. Kong dia pe hasil ada yang saratus kali lipa, ada yang anam pulu kali lipa, deng ada lagi yang tiga pulu kali lipa.

Matius 13:8 ပူးပေါင်းရင်းမြစ်များ

Matius 13:23

Kong bibit yang jatu di tana yang subur itu, sama deng orang yang dengar Tuhan pe firman kong mangarti firman itu. Jadi, dorang hidup iko Tuhan pe mau, sama deng bibit yang batumbu sampe babua. Ada yang babua saratus kali lipa, ada yang anam pulu kali lipa deng ada lagi yang tiga pulu kali lipa.”

Matius 13:7

Kong ada lagi bibit yang jatu di tana yang dia pe rumpu baduri. Bagitu bibit itu batumbu, rumpu baduri me batumbu tamba basar kong gepe tanaman itu sampe mati.

Markus 4:20

Kong bibit yang jatu di tana yang subur, itu sama deng orang-orang yang dengar firman kong tarima deng percaya. Dorang ini orang yang hidup iko Tuhan pe mau, sama deng bibit yang batumbu sampe babua. Ada yang babua tiga pulu kali lipa, ada yang anam pulu kali lipa, deng ada lagi yang saratus kali lipa.”

Markus 4:8

Tapi ada bibit laeng yang jatu di tana yang subur, kong batumbu, turus babua. Dia pe hasil ada yang tiga pulu kali lipa, ada yang anam pulu kali lipa, ada yang sampe saratus kali lipa.”

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Lukas 8:8

Tapi ada bibit laeng yang jatu di tana yang subur. Bibit itu batumbu deng babua banya skali sampe saratus kali lipa.” Abis bilang umpama itu, Yesus bilang lagi, “Dengar itu bae-bae kong simpang di hati!”

Yohanes 15:8

Kalu ngoni jaga biking yang bae sama deng cabang yang babua banya, itu kase tunju ngoni ini butul-butul Kita pe murit-murit, turus deng orang-orang lia ngoni pe cara hidup yang bae itu, dorang mo puji deng hormat pa Kita pe Bapa.”

Roma 7:18

Barang kita tau, di kita pe hati, tarada apa-apa yang bae, karna kita cuma manusia yang jaga biking dosa. Kita memang suka biking barang yang bae, tapi kita tara mampo biking itu.

Filipi 1:11

Kita minta lagi supaya Yesus Kristus bakarja di ngoni pe hati la ngoni bole biking barang yang butul pa Tuhan Allah pe muka. Turus orang-orang mo puji deng hormat pa Tuhan Allah karna dorang lia yang ngoni so biking itu.