Matius 13:52 - Perjanjian Baru Bahasa Melayu Maluku Utara

⁵² Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 13:52 ပူးပေါင်းရင်းမြစ်များ

Matius 12:35

Orang yang bae jaga bilang yang bae, karna dia simpang hal-hal yang bae di dia pe hati. Tapi orang yang jahat jaga bilang yang jahat, karna dia simpang hal-hal yang jahat di dia pe hati.

Matius 13:51

Abis itu Yesus tanya pa Dia pe murit-murit, “Ngoni mangarti samua umpama yang Kita bilang tadi?” Kong murit-murit bilang pa Yesus, “Iyo, torang mangarti.”

Matius 13:53

Abis bilang umpama-umpama itu, Yesus kase tinggal tampa itu.

Matius 23:34

Karna itu, dengar bae-bae. Kita mo utus pa nabi-nabi, orang-orang pande, deng guru-guru agama Yahudi yang ahli lima kitab Musa. Ada babarapa dari dorang yang ngoni mo bunu, kong yang laeng ngoni mo kase salib. Ada laeng lagi pa ngoni pe ruma-ruma ibada yang ngoni mo pukul deng tali yang ada barang tajam di dia pe ujung. Kong ada lagi yang ngoni mo dusu-dusu mo siksa pa dorang dari satu kota pigi di kota yang laeng.

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Lukas 11:49

Samua itu jadi, karna Tuhan Allah yang paling tau, dulu Dia perna bilang bagini, ‘Kita mo utus Kita pe nabi-nabi deng utusan-utusan pigi kase turus Kita pe pasáng pa orang-orang Israel, kong orang-orang Israel itu yang mo bunu pa dorang sebagian, deng ada laeng lagi dorang mo siksa.’

Yohanes 13:34

Skarang, Kita mo kase parenta yang baru pa ngoni, bagini: ngoni ini musti baku sayang. Ngoni musti baku sayang sama deng Kita so sayang pa ngoni.

2 Korintus 6:10

Biar torang dapa banya susa, torang pe hati tetap saja rasa sanang. Biar torang tara ada doi, tapi torang so bantu banya orang la percaya pa Yesus Kristus, itu sama deng torang biking dorang jadi kaya. Deng biar torang tara ada apa-apa di dunia, tapi sebenarnya torang dapa samua-samua dari Tuhan.

Efesus 3:4

Kong kalu ngoni baca surat ini, ngoni akan mangarti Tuhan Allah pe rencana tentang Yesus Kristus itu sama deng yang kita tau.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Kolose 1:7

Kabar Bae tentang Yesus Kristus itu ngoni so dengar dari Epafras. Dia itu torang pe tamang karja yang torang sayang. Dia rajin biking apa yang Yesus Kristus suru untuk kase kuat ngoni pe percaya.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Timotius 3:6

Orang yang pimpin jemaat tara bole orang yang baru percaya pa Yesus Kristus, supaya jang dorang makang puji. Karna kalu dorang makang puji, dorang jadi sombong, kong Tuhan Allah mo hukum pa dorang sama deng Tuhan Allah hukum pa Iblis, setang-setang pe raja.

Titus 1:9

Dia musti pegang butul-butul Tuhan pe ajaran yang dia so dapa, supaya dia mampo kase nasehat pa orang laeng iko ajaran itu, deng dia me bisa kase mangarti pa orang-orang yang suka lawan ajaran yang butul supaya dorang jadi yakin deng ajaran itu.