Matius 13:44 - Perjanjian Baru Bahasa Melayu Maluku Utara

⁴⁴ Yesus bilang lagi, “Kalu torang jadi Tuhan Allah pe umat yang Dia Berkuasa sebagai Raja, itu lebe berharga dari apa saja. Itu sama deng umpama ini: ada harta yang mahal skali yang so lama tasambunyi dalam tana di kobong. Satu hari, ada satu orang yang dapa harta yang mahal itu, kong dia tambung ulang deng tana. Orang itu sanang skali kong dia jual samua yang dia punya, turus dia pake doi itu untuk bili kobong yang ada tambung harta itu supaya jadi dia punya.”

Matius 13:44 ပူးပေါင်းရင်းမြစ်များ

Matius 13:24

Kong Yesus kase carita lagi umpama satu pa orang banya itu. Dia bilang, “Tuhan Allah Berkuasa sebagai Raja, itu pe keadaan sama deng umpama ini: ada tuang kobong satu yang baambur bibit gandum bagus di dia pe kobong.

Matius 13:46

Satu kali, dia dapa mutiara satu yang bagus deng mahal skali. Kong dia jual samua yang dia punya, turus doi itu dia pake untuk bili mutiara itu.”

Matius 13:47

Yesus bilang lagi, “Tuhan Allah Berkuasa sebagai Raja pa Dia pe umat, itu bole kase sama deng umpama ini lagi: ada babarapa orang yang buang jala basar di talaga kong dorang dapa ikang macam-macam.

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Matius 19:27

Kong Petrus bilang pa Yesus, “Torang ini so kase tinggal samua yang torang punya kong so iko pa Guru. Jadi apa yang torang mo dapa?”

Matius 19:29

Kong tiap orang yang iko pa Kita sampe dia so kase tinggal dia pe ruma, dia pe sudara laki-laki atau sudara parampuang, dia pe papa atau dia pe mama, dia pe ana-ana atau dia pe kobong, orang itu akan tarima ulang saratus kali lipa samua itu, deng dia me akan dapa hidup deng Tuhan Allah slama-lamanya.

Matius 6:21

Kita bilang bagitu karna di mana ngoni pe harta ada, di situ lagi ngoni pe hati.”

Lukas 14:33

Bagitu lagi deng ngoni. Kalu ngoni mau jadi Kita pe pengikut, ngoni bapikir bae-bae dulu, ngoni mampo mo kase tinggal samua yang ngoni punya ka tarada. Kalu ngoni tara mampo itu, ngoni tara bisa iko pa Kita.”

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Kolose 2:3

Barang, cuma deng percaya pa Yesus Kristus saja, torang bole dapa dua hal yang penting ini: torang bole tau banya hal, deng torang bole tau mana yang bae yang torang musti biking.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Ibrani 10:34

Ngoni memang rasa kasiang kong so bantu pa orang-orang yang maso penjara karna percaya pa Yesus Kristus. Kong waktu orang rampas ngoni pe harta, ngoni tarima deng hati sanang saja, barang ngoni tau, nanti ngoni akan dapa harta dari Tuhan di sorga yang lebe bagus, kong harta itu akan tetap ada sampe slama-lamanya.

Wahyu 3:18

Jadi Kita kase nasehat pa ngoni bagini: Kita so ada barang yang berharga sama deng mas yang dapa bakar di api supaya jadi murni, jadi ngoni musti bili suda supaya Kita lia ngoni butul-butul kaya pa Kita pe muka. Kita me ada baju puti bersi, ngoni musti bili kong pake la Kita lia ngoni tara talanjang lagi yang biking ngoni jadi malu. Kita me ada obat mata yang kase sembu mata. Jadi ngoni musti bili suda obat itu pa Kita la ngoni bisa lia butul-butul.