Matius 13:43 - Perjanjian Baru Bahasa Melayu Maluku Utara

⁴³ Tapi orang-orang yang jaga biking yang butul pa Tuhan Allah pe muka, dorang akan maso di tampa yang dorang pe Bapa Berkuasa sebagai Raja kong dorang basinar sama deng matahari. Jadi, dengar itu bae-bae kong simpang di hati!”

Matius 13:43 ပူးပေါင်းရင်းမြစ်များ

Matius 11:15

Jadi, dengar itu bae-bae kong simpang di hati!

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 25:36

Waktu Kita tarada baju, ngoni kase baju pa Kita. Waktu Kita saki, ngoni urus pa Kita. Waktu Kita di penjara, ngoni datang lia pa Kita.’

Matius 26:29

Dengar bae-bae yang Kita bilang pa ngoni e, dari sini ka sana, Kita so tara akan minum anggur lagi. Tapi nanti waktu Tuhan Allah so Berkuasa sebagai Raja pa Dia pe umat, baru Kita minum lagi anggur yang baru sama-sama deng ngoni.”

Markus 4:23

Jadi, dengar itu bae-bae kong simpang di hati!”

Lukas 12:32

Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Lukas 22:29

Karna itu, Kita mo kase kuasa pa ngoni untuk berkuasa sama deng Kita pe Bapa ada kase kuasa pa Kita.

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.