Matius 13:11 - Perjanjian Baru Bahasa Melayu Maluku Utara

¹¹ Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Matius 13:11 ပူးပေါင်းရင်းမြစ်များ

Matius 13:10

Abis itu, Yesus pe murit-murit badekat pa Dia kong tanya, “Guru, bikiapa kong Guru mangajar pa orang banya pake umpama?”

Matius 16:17

Kong Yesus bilang pa Simon, “Simon, Yunus pe ana! Ngana paling sanang suda, barang yang ngana bilang itu bukang manusia yang kase tau, tapi Kita pe Bapa di sorga yang kase tau.

Matius 19:11

Tapi Yesus bilang pa dorang, “Tara samua orang yang bole tarima itu, cuma orang-orang yang Tuhan kase kemampuan saja.

Matius 20:23

Turus Yesus bilang pa dorang, “Memang ngoni nanti menderita sama deng Kita. Tapi tentang sapa yang mo dudu di Kita pe sabla kanan deng sabla kiri, itu bukang Kita pe hak mo tentukan. Tampa itu Kita pe Bapa so sadia untuk orang-orang yang Dia so tentukan.”

Markus 10:40

Tapi tentang sapa yang mo dudu di Kita pe sabla kanan deng sabla kiri, itu bukang Kita pe hak mo tentukan. Tampa itu Kita pe Bapa so sadia untuk orang-orang yang Dia so tentukan.”

Markus 4:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang-orang laeng, hal itu Kita kase tau pake umpama,

Lukas 8:10

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang-orang laeng, hal itu Kita kase tau pake umpama, supaya deng bagitu, ‘Biar dorang lia, dorang tara mangarti apa yang dong lia. Biar dorang dengar, dorang tara mangarti apa yang dong dengar.’

Yohanes 6:65

Turus Yesus bilang, “Karna ada dari ngoni yang tara percaya, itu Kita pe maksut waktu Kita so bilang pa ngoni, tara ada orang biar cuma satu lagi yang bole mo datang iko pa Kita, kalu Bapa tara biking sampe dia bisa datang.”

Yohanes 7:17

Cuma orang yang mau biking Tuhan Allah pe mau yang bisa tau kalu Kita pe ajaran ini datang dari Tuhan Allah sandiri atau dari Kita pe pikiran sandiri.

Kisah Para Rasul 16:14

Di antara dorang itu, ada parampuang satu dia pe nama Lidia. Dia dari kota Tiatira, dia jaga bajual kaeng mahal warna ungu. Lidia ini bukang orang Yahudi tapi dia jaga baibada pa Tuhan Allah. Kong waktu Paulus carita tentang Tuhan Yesus, Tuhan Allah buka Lidia pe hati sampe dia jadi percaya apa yang Paulus bilang itu.

Roma 11:25

Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

1 Korintus 15:51

Jadi dengar bae-bae, kita mo kase tau rahasia satu ini: tara samua torang yang percaya akan mati, tapi torang yang masi hidup ka, mati ka, torang samua pe badan akan beruba.

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

1 Korintus 2:7

Tapi rencana yang bijaksana itu dari Tuhan Allah. Rencana itu dulu orang bolong tau karna Tuhan Allah bolong buka rahasia itu. Dia pe rencana itu so ada dari dulu waktu Dia bolong cipta dunia ini. Dia biking rencana itu, supaya torang yang percaya pa Dia bole dapa puji deng hormat.

1 Korintus 4:1

Lebe bae ngoni anggap torang ini Yesus Kristus pe orang-orang karja yang dapa kase percaya dari Tuhan Allah untuk kase tau Dia pe rencana yang mo kase slamat pa manusia. Rencana itu yang dulu orang-orang bolong tau.

1 Korintus 4:7

Barang, kalu ngoni nilai pemimpin bagitu, itu sama deng ngoni anggap ngoni pe diri lebe penting dari orang laeng. Samua yang ngoni punya, itu dari Tuhan. Jadi bikiapa kong ngoni basombong, sama deng ngoni anggap apa yang ngoni tarima itu dari ngoni pe kemampuan sandiri, bukang dari Tuhan?

Efesus 1:18

Kong kita minta lagi supaya Dia buka ngoni pe hati, la ngoni bisa mangarti butul samua hal yang ngoni bole harap pa Dia karna ngoni yang Dia so pili jadi Dia pe umat. Deng kita minta lagi supaya ngoni mangarti pe hebat skali samua janji yang Dia mo kase pa ngoni itu.

Efesus 1:9

Dulu, tarada orang yang tau Dia pe rencana itu, tapi skarang Dia so kase tau pa torang. Dia pe rencana itu tentang Yesus Kristus, kong rencana itu suda yang Dia ingin biking dari dulu.

Efesus 5:32

Apa yang tatulis tentang laki bini itu, itu pe arti lebe dari hubungan laki bini, kong banya orang bolong tau. Kita pe maksut tentang laki bini jadi satu itu, itu Yesus Kristus pe hubungan deng Dia pe jemaat.

Efesus 6:19

Ngoni kase berdoa lagi untuk kita. Ngoni minta la kita bicara deng barani pake kata-kata yang Tuhan Allah kase pa kita untuk kase tau pa orang-orang Kabar Bae tentang Yesus Kristus yang dulu manusia bolong tau, tapi skarang Tuhan Allah so kase tunju itu pa kita.

Kolose 2:2

Kita berusaha karas la ngoni lebe tamba percaya pa Yesus deng lebe tamba baku sayang sampe ngoni jadi satu hati. Kita mau supaya ngoni butul-butul mangarti deng yakin, Tuhan Allah pe rahasia yang hebat. Rahasia itu tentang Yesus Kristus yang dari dulu Tuhan Allah tara kase tau pa orang-orang, tapi skarang ngoni so bole tau.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

1 Timotius 3:9

Dorang musti percaya turus Tuhan Yesus pe ajaran yang Tuhan Allah so kase tau pa torang, kong jaga itu deng hati yang bersi.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

1 Yohanes 2:20

Tapi ngoni, Tuhan Allah so kase Roh Kudus untuk kuasai pa ngoni, deng karna itu, ngoni samua so tau ajaran yang butul.

1 Yohanes 2:27

Tapi untuk ngoni sandiri, Tuhan Allah so kase Roh Kudus untuk kuasai pa ngoni. Roh itu masi tetap ada pa ngoni, jadi ngoni so tara perlu lagi orang laeng ajar. Roh Kudus itu so ajar pa ngoni tentang samua hal. Apa yang Dia kase ajar itu butul deng tara foya. Kong karna ngoni so tarima ajaran itu dari Dia, ngoni musti tetap hidup satu hati deng Yesus Kristus.