Matius 12:34 - Perjanjian Baru Bahasa Melayu Maluku Utara

³⁴ Ngoni pe jahat sama deng ular bisa. Tara mungkin ngoni bole bilang hal-hal yang bae karna ngoni sandiri jahat. Karna apa yang tasimpang di orang pe hati, itu yang nanti mo kaluar dari dia pe mulu.

Matius 12:34 ပူးပေါင်းရင်းမြစ်များ

Matius 12:35

Orang yang bae jaga bilang yang bae, karna dia simpang hal-hal yang bae di dia pe hati. Tapi orang yang jahat jaga bilang yang jahat, karna dia simpang hal-hal yang jahat di dia pe hati.

Matius 15:18

Tapi kata-kata yang kaluar dari orang pe mulu, itu samua dia pe asal dari dalam hati, kong kata-kata itu suda yang biking sampe orang jadi berdosa.

Matius 23:33

Woe ngoni orang-orang jahat. Ngoni sama deng ular bisa. Ngoni itu turunan orang jahat, sama deng ular bisa pe turunan. Tuhan Allah akan kase maso pa ngoni di neraka, kong ngoni tara akan mo lolos.

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Lukas 3:7

Orang banya datang pa Yohanes supaya Yohanes baptis pa dorang. Kong Yohanes bilang pa dorang, “Ee, ngoni orang-orang jahat! Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Lukas 6:45

Bagitu lagi deng orang yang bae. Dia pe bicara, deng yang dia biking itu bae, karna yang ada di dia pe hati itu hal-hal yang bae. Tapi orang yang jahat, dia pe bicara deng yang dia biking itu jahat, karna yang ada di dia pe hati itu hal-hal yang jahat. Barang, apa yang orang bilang itu bae atau jahat, samua itu kaluar dari orang itu pe hati.”

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Efesus 4:29

Kalu ngoni bicara, jang ada kata-kata tara bae kaluar dari ngoni pe mulu. Lebe bae, yang musti ngoni pake waktu bicara itu, kata-kata yang bisa kase kuat orang laeng pe hati, deng kata-kata yang perlu dorang dengar untuk dong pe bae.

Efesus 5:4

Bagitu lagi, ngoni tara bole bilang kata-kata yang kotor, deng kata-kata yang tarada dia pe guna. Ngoni me jang basangaja deng kata-kata yang kurang ajar. Barang, samua kata-kata itu tara pantas untuk ngoni yang so percaya pa Yesus Kristus mo bilang. Tapi yang paling bae yang ngoni musti biking itu, ngoni bilang tarimakasi suda pa Tuhan Allah.

Yakobus 3:2

Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.