Matius 12:33 - Perjanjian Baru Bahasa Melayu Maluku Utara

³³ Yesus bilang, “Kalu pohong bagus, pasti dia pe bua me bagus. Kalu pohong yang tara bagus, pasti dia pe bua me tara bagus. Torang bole mo dapa tau kalu pohong itu bagus atau tarada, torang lia cuma dari dia pe bua.

Matius 12:33 ပူးပေါင်းရင်းမြစ်များ

Matius 23:26

Ee ngoni orang-orang Yahudi dari aliran Farisi, ngoni sama deng orang-orang buta! Kase bersi dulu ngoni pe pikiran dari pikiran yang jahat, supaya apa yang ngoni biking deng bilang lagi itu jadi bagus, itu sama deng kase bersi galas deng piring pe bagian dalam supaya bagian luar lagi mo bersi.

Lukas 3:9

Tuhan Allah so siap mo hukum pa samua orang yang tara iko Dia pe mau. Itu sama deng satu orang yang so siap-siap deng tamako mo potong pohong yang tara babua bagus, turus buang pohong itu di api.”

Yakobus 3:12

Sudara-sudara, bagitu lagi deng pohong ara, tara mungkin mo babua zaitun. Deng pohong anggur me tara mungkin mo babua ara. Bagitu lagi deng mata aer yang dia pe aer bagaram, tara mungkin mo kase kaluar aer tawar.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.