Matius 12:3 - Perjanjian Baru Bahasa Melayu Maluku Utara

³ Tapi Yesus bilang pa dorang, “Pasti ngoni so perna baca carita di Kitab Suci tentang raja Daud, waktu dia deng orang-orang yang iko pa dia so lapar.

Matius 12:3 ပူးပေါင်းရင်းမြစ်များ

Matius 12:2

Di situ, ada orang-orang Yahudi dari aliran fanatik yang pe nama Farisi. Waktu dorang lia apa yang murit-murit biking itu, dorang bilang pa Yesus, “Coba lia Bapa pe murit-murit itu! Dorang bakarja bapete gandum di hari Sabat! Itu dorang so langgar torang pe aturan agama!”

Matius 12:4

Raja Daud maso di dalam Tuhan Allah pe Tenda Ibada kong makang roti yang so jadi persembahan pa Tuhan Allah. Turus, dia me kase roti itu pa orang-orang yang iko pa dia. Padahal roti itu, kalu iko torang pe aturan agama, dorang tara bole makang, karna yang bole makang roti itu cuma imam-imam saja.

Matius 12:5

Ada conto laeng lagi di lima kitab Musa. Ngoni me pasti so baca tentang imam-imam pe tugas tiap hari Sabat di Ruma Ibada Pusat. Sebenarnya deng dorang biking tugas itu, itu dong so langgar aturan tentang tara bole bakarja di hari Sabat. Tapi biar bagitu me, Tuhan Allah tara bilang dorang sala.

Matius 19:4

Tapi Yesus bilang pa dorang, “Pasti ngoni so baca di Kitab Suci, dari pertama waktu Tuhan Allah cipta manusia, Dia biking laki-laki deng parampuang.

Matius 21:16

Kong dorang bilang pa Yesus, “Ii, Ngana tara dengar yang ana-ana bilang itu?” Yesus bilang pa dorang, “Kita dengar. Ngoni pasti so baca yang Tuhan Allah bilang di Kitab Suci bagini, ‘Tuhan so kase ajar pa ana-ana yang masi mera-mera deng ana-ana kacil la dorang puji pa Dia.’ ”

Matius 22:31

Jadi tentang orang mati yang akan hidup ulang, pasti ngoni so baca di Kitab Suci, yang Tuhan Allah bilang bagini,

Markus 12:10

Ngoni pasti so baca di Kitab Suci tentang batu yang ada kase sama deng Kita pe diri, tapi ngoni tara mangarti itu. Bagini yang so tatulis, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting.

Markus 12:26

Kong tentang orang mati yang hidup ulang, ngoni so baca carita yang nabi Musa tulis, to? Waktu dia ada di pinggir rumpu baduri yang manyala, Tuhan Allah bilang pa nabi Musa bagini, ‘Kita ini suda Tuhan Allah yang Abraham, Ishak deng Yakub semba.’

Lukas 10:26

Yesus bilang, “Apa yang tatulis tentang itu di aturan-aturan dalam lima kitab Musa? Apa yang ngana baca di situ?”

Lukas 6:3

Kong Yesus bilang pa dorang, “Pasti ngoni so perna baca carita di Kitab Suci tentang raja Daud, waktu dia deng orang-orang yang iko pa dia so lapar.