Matius 12:26 - Perjanjian Baru Bahasa Melayu Maluku Utara

²⁶ Bagitu me deng Iblis, setang-setang pe raja. Kalu Iblis user dia pe ana bua setang-setang, dorang itu pasti mo tapisa-pisa deng dong akan baku musu. Kong Iblis pe kerajaan tara mungkin mo batahang, to?

Matius 12:26 ပူးပေါင်းရင်းမြစ်များ

Matius 13:19

Bibit yang jatu di jalang itu sama deng orang-orang yang dengar firman tentang Tuhan Allah Berkuasa sebagai Raja, tapi dorang tara mangarti butul-butul. Pe abis dorang dengar firman Tuhan itu, Iblis, setang-setang pe raja datang kong ambe firman itu dari dorang pe hati.

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Matius 9:34

Tapi orang-orang Yahudi dari aliran Farisi baku bilang, “Dia pake setang-setang pe raja pe kuasa waktu user setang-setang itu.”

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Yohanes 14:30

Kita so tara bicara banya lagi deng ngoni, karna Iblis, setang-setang pe raja mo datang. Iblis berkuasa di dunia ini, tapi dia tara berkuasa untuk ator pa Kita.

Yohanes 16:11

Kong ketiga, Dia lagi mo kase sadar pa dorang, Tuhan Allah pasti mo hukum pa orang-orang yang biking dosa, karna Iblis, setang-setang pe raja yang berkuasa di dunia ini so dapa hukuman.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

Kolose 1:13

Tuhan Allah so kase bebas pa torang dari Iblis pe kuasa galap, kong so kase pinda pa torang di tarang, supaya Dia pe Anak yang Dia sayang Berkuasa sebagai Raja pa torang.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.

Wahyu 16:10

Abis itu, malaekat yang kelima buang mangko yang dia pegang itu pe isi pa binatang jahat itu pe kursi raja. Kage-kage galap tutu pa orang-orang yang jaga iko deng semba pa binatang itu, turus dong rasa sengsara skali sampe dorang gigi-gigi dorang pe lida.

Wahyu 9:11

Dorang ada raja yang pimpin. Dorang pe raja itu yang jaga jurang maut, tampa tahang setang-setang. Raja itu pe nama dalam bahasa Ibrani, Abadon, deng di dalam bahasa Yunani, Apolion, yang pe arti, ‘tukang biking rusak.’