Matius 12:25 - Perjanjian Baru Bahasa Melayu Maluku Utara

²⁵ Tapi Yesus tau dorang pe pikiran, kong Dia kase umpama satu bagini pa dorang, “Kalu dalam satu kerajaan baku malawang kong tapisa-pisa, pasti kerajaan itu akan ancor. Kong kalu dalam satu kota atau dalam satu ruma tangga baku malawang kong tapisa-pisa, so pasti lagi akan ancor.

Matius 12:25 ပူးပေါင်းရင်းမြစ်များ

Matius 9:4

Tapi Yesus tau dorang pe pikiran, kong Dia bilang pa dorang bagini, “Bikiapa kong ngoni bapikir yang jahat?

Markus 2:8

Tapi Yesus langsung tau dorang pe pikiran, kong Dia bilang pa dorang bagini, “Bikiapa kong ngoni bapikir bagitu?

Yohanes 21:17

Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

1 Korintus 2:11

Ambe conto bagini, yang tau torang pe isi hati, cuma torang sandiri. Bagitu me deng Tuhan Allah, yang tau Tuhan Allah pe isi hati, cuma Dia pe Roh sandiri.

Galatia 5:15

Tapi kalu ngoni cuma bakalae deng baku malawang, ngoni musti ati-ati, jang sampe ngoni sama deng binatang yang baku-baku gigi sampe baku abis.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.

Wahyu 16:19

sampe kota Babel yang basar itu tabalá jadi tiga. Deng kota-kota laeng yang dia pe orang tara kanal pa Tuhan Allah me ancor samua. Itu jadi karna Tuhan Allah tara lupa Dia pe mara pa kota Babel yang basar itu, tapi kase hukuman pa dorang tarada ampun. Itu sama deng Dia kase pa dorang minum anggur yang kuat skali.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.