Matius 12:23 - Perjanjian Baru Bahasa Melayu Maluku Utara

²³ Pe lia yang Yesus biking itu, orang-orang di situ jadi herang skali. Kong dorang baku bilang, “Dia ini suda kaapa, raja Daud pe turunan yang torang tunggu-tunggu yang Tuhan Allah janji mo datang?”

Matius 12:23 ပူးပေါင်းရင်းမြစ်များ

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 21:9

Orang banya yang bajalang pa Yesus pe muka deng yang iko dari balakang, puji pa Dia deng suara kuat, dong bilang bagini, “Hosana! Puji pa Dia, raja Daud pe turunan! Puji pa Dia yang Tuhan Allah so utus datang kamari! Hosana! Puji pa Tuhan Allah yang Paling Tinggi!”

Matius 7:28

Waktu Yesus pe abis bicara, orang banya itu jadi herang deng Dia pe ajaran itu,

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Matius 9:33

Yesus user setang yang ada di orang mou itu, kong dia langsung bisa bicara. Orang-orang yang bakumpul di situ herang skali kong baku bilang, “Bolong perna torang lia kejadian yang sama deng ini di Israel!”

Yohanes 4:29

“Mari suda, torang pigi lia Orang yang tau samua tentang kita. Kaapa Dia itu Mesias suda, Raja yang Tuhan Allah janji mo kase slamat pa manusia?”