Matius 12:18 - Perjanjian Baru Bahasa Melayu Maluku Utara

¹⁸ “Ini suda Dia yang Kita pili untuk biking apa yang Kita suru. Kita sayang pa Dia. Dia biking sanang Kita pe hati. Kita mo kase pa Dia Kita pe Roh, kong Dia yang mo kase tau pa suku-suku bangsa, Kita nanti mo adili pa samua orang deng cara yang adil.

Matius 12:18 ပူးပေါင်းရင်းမြစ်များ

Matius 12:17

Deng Yesus biking itu, apa yang Tuhan Allah bilang dulu pa nabi Yesaya itu so jadi, bagini,

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Markus 1:11

Kong, dapa dengar Tuhan Allah pe suara dari sorga bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Markus 9:7

Turus, awan turung tutu pa dorang. Kong, dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dengar suda pa Dia!”

Lukas 23:35

Orang banya yang badiri di situ lia samua yang jadi, kong pemimpin-pemimpin Yahudi hina pa Yesus. Dorang bilang, “Orang laeng Dia kase slamat. Skarang biar suda Dia kase slamat Dia pe diri sandiri, kalu memang butul Dia itu Mesias, Raja yang Tuhan Allah so pili untuk kase slamat pa manusia.”

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Lukas 9:35

Dorang dengar suara dari dalam awan itu bagini, “Ini Kita pe Anak yang Kita so pili. Dengar suda pa Dia!”

Yohanes 3:34

Barang, Dia yang Tuhan Allah utus, Dia itu yang kase tau Tuhan Allah pe kata-kata, karna Tuhan Allah kase Dia pe Roh pa Dia tara abis-abis.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 11:18

Pe dengar bagitu, orang-orang Yahudi yang percaya pa Yesus so tara kase sala lagi pa Petrus. Dorang puji pa Tuhan Allah, bilang, “Jadi, orang-orang bukang Yahudi me Tuhan Allah so kase kesempatan untuk bertobat supaya dorang dapa hidup deng Tuhan Allah slama-lamanya.”

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Efesus 1:6

Jadi mari suda, torang puji pa Tuhan Allah karna Dia so kase Dia pe bae yang hebat itu pa torang. Dia kase Dia pe bae itu karna torang so percaya pa Yesus Kristus yang Dia sayang.

Kolose 1:1

Surat ini dari kita Paulus. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau. Surat ini me dari torang pe sudara Timotius yang sama-sama percaya pa Kristus Yesus.

Kolose 1:13

Tuhan Allah so kase bebas pa torang dari Iblis pe kuasa galap, kong so kase pinda pa torang di tarang, supaya Dia pe Anak yang Dia sayang Berkuasa sebagai Raja pa torang.

1 Petrus 2:4

Datang suda pa Tuhan Yesus. Dia itu sama deng batu yang hidup, barang Dia yang biking manusia bole hidup. Dia itu sama deng batu yang manusia so buang, tapi Tuhan Allah pili Dia itu jadi sama deng batu fandasi yang paling penting.

2 Petrus 1:17

Perna satu kali, torang nae gunung yang kudus satu sama-sama deng Yesus. Di situ torang dengar sandiri suara dari sorga, suara itu dari Tuhan Allah, torang pe Bapa yang paling hebat. Dia puji deng hormat pa Yesus, bilang bagini, “Ini Kita pe Anak yang Kita sayang. Dia biking Kita pe hati sanang.”