Matius 12:17 - Perjanjian Baru Bahasa Melayu Maluku Utara

¹⁷ Deng Yesus biking itu, apa yang Tuhan Allah bilang dulu pa nabi Yesaya itu so jadi, bagini,

Matius 12:17 ပူးပေါင်းရင်းမြစ်များ

Matius 12:16

Tapi Dia larang karas pa dorang supaya jang kase tau pa orang-orang, Dia itu sapa.

Matius 12:18

“Ini suda Dia yang Kita pili untuk biking apa yang Kita suru. Kita sayang pa Dia. Dia biking sanang Kita pe hati. Kita mo kase pa Dia Kita pe Roh, kong Dia yang mo kase tau pa suku-suku bangsa, Kita nanti mo adili pa samua orang deng cara yang adil.

Matius 13:35

Dia bicara pake umpama itu, karna itu yang dulu Tuhan Allah so bilang pa Dia pe nabi dalam Kitab Suci bagini, “Kita mo bicara pake umpama. Kita mo kase tau hal-hal yang orang bolong perna tau dari dulu waktu Kita mulai biking dunia ini sampe skarang.”

Matius 21:4

Samua itu jadi, sama deng apa yang Tuhan Allah so bilang dulu pa nabi-nabi bagini,

Matius 8:17

Samua yang Yesus biking, itu jadi sama deng apa yang Tuhan Allah so bilang pa nabi Yesaya bagini, “Dia yang tanggung torang pe penderitaan deng kase sembu pa torang dari torang pe panyake.”

Lukas 21:22

Karna hari-hari itu, Tuhan Allah mo kase hukuman, supaya apa yang ada janji di Kitab Suci itu samua mo jadi.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 10:35

Torang tau apa yang tatulis di lima kitab Musa tara bole kase batal, jadi kalu Tuhan Allah sandiri bilang ‘allah’ pa orang-orang yang so tarima Dia pe firman,

Yohanes 12:38

Deng dorang tara percaya pa Yesus, itu suda yang dulu Tuhan Allah bilang mo jadi, sama deng nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau. Biar lagi Tuhan kase tunju Tuhan pe kuasa pa dorang, dorang tetap tara percaya.”

Yohanes 19:28

Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Kisah Para Rasul 13:27

Tapi waktu Yesus datang, torang pe tamang-tamang orang Israel yang tinggal di Yerusalem deng dong pe pemimpin-pemimpin tara mangarti sapa Dia. Dorang tara mangarti pasáng yang Tuhan Allah bilang dari dulu pake Dia pe nabi-nabi tentang Orang yang Tuhan Allah janji la mo kase slamat pa torang. Padahal, kata-kata ini yang torang baca tiap hari Sabat. Kong karna dorang tara mangarti, dorang hukum mati pa Dia. Tapi deng dong hukum mati pa Dia, apa yang Tuhan Allah bilang pa nabi-nabi dulu di Kitab Suci itu, so jadi.