Matius 12:14 - Perjanjian Baru Bahasa Melayu Maluku Utara

¹⁴ Tapi orang-orang dari aliran Farisi itu kaluar dari ruma ibada itu kong baku ator la mo bunu pa Yesus.

Matius 12:14 ပူးပေါင်းရင်းမြစ်များ

Matius 26:4

Di situ dorang baku ator la mo tangka pa Yesus. Dorang mo tangka pa Dia deng cara sambunyi-sambunyi, kong mo bunu pa Dia.

Matius 27:1

Waktu masi pagi-pagi skali, samua imam-imam kapala deng tua-tua Yahudi so bakumpul kong ambe keputusan untuk bunu pa Yesus.

Markus 14:1

Tinggal dua hari lagi orang agama Yahudi mo biking dong pe hari raya Paska. Hari raya itu, dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang, deng dorang lagi biking hari raya Roti Tara Pake Ragi. Turus waktu itu, orang Yahudi pe imam-imam kapala deng guru-guru agama yang ahli lima kitab Musa baku ator la mo tangka pa Yesus deng cara sambunyi-sambunyi kong bunu pa Dia.

Markus 3:6

Waktu itu suda, orang-orang Yahudi dari aliran Farisi kaluar dari ruma ibada itu kong dorang langsung baku ator deng raja Herodes pe orang-orang la mo bunu pa Yesus.

Lukas 22:2

Imam-imam kapala deng guru-guru agama Yahudi yang ahli lima kitab Musa, dong baku ator mo bunu pa Yesus deng cara sambunyi-sambunyi, karna dorang tako pa orang banya yang suka pa Yesus.

Lukas 6:11

Pe lia itu, orang-orang yang ahli lima kitab Musa deng orang-orang dari aliran Farisi, mara skali. Kong dorang mulai biking rencana jahat pa Yesus.

Yohanes 10:31

Pe dengar Yesus bilang bagitu, orang-orang Yahudi ambe batu lagi mo lempar kase mati pa Dia.

Yohanes 10:39

Abis Yesus bilang bagitu, dorang coba lagi tangka pa Yesus, tapi dong tara dapa tangka pa Dia.

Yohanes 11:53

Mulai hari itu suda, pemimpin-pemimpin agama Yahudi baku ator la mo bunu pa Yesus.

Yohanes 11:57

Dorang baku bilang bagitu, barang orang Yahudi pe imam-imam kapala deng orang-orang dari aliran Farisi so kase parenta pa orang-orang bagini: kalu ada yang tau Yesus ada di mana, musti lapor pa dorang supaya dong tangka pa Dia.

Yohanes 5:18

Yesus pe kata-kata itu biking pemimpin-pemimpin agama Yahudi lebe berusaha mo bunu pa Dia. Dorang mo bunu pa Dia bukang cuma karna Dia langgar aturan hari Sabat, tapi karna Dia bilang lagi, Tuhan Allah itu Dia pe Bapa sandiri. Itu pe arti, Dia so biking Dia pe diri sama deng Tuhan Allah.

Yohanes 7:30

Pe dengar itu, dorang berusaha tangka pa Yesus, tapi tara ada orang yang dapa tangka pa Dia, karna waktu itu bolong sampe dia pe waktu yang Tuhan Allah tentukan.

Yohanes 7:32

Orang-orang Yahudi dari aliran Farisi, dorang dengar orang banya baku-baku bisi tentang Yesus. Jadi, dorang deng imam-imam kapala suru pa penjaga-penjaga Ruma Ibada Pusat supaya tangka pa Yesus.

Yohanes 7:44

Ada babarapa orang mo tangka pa Dia, tapi tara ada orang yang barani sontong pa Dia.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.