Matius 12:10 - Perjanjian Baru Bahasa Melayu Maluku Utara

¹⁰ Di situ, ada satu orang yang dia pe tangan sabla mati, deng ada lagi orang-orang Yahudi dari aliran Farisi. Dorang tanya pa Yesus, “Bole ka tarada, kase sembu orang di hari Sabat?” Dorang tanya bagitu, barang kalu Yesus kase sembu orang di hari Sabat, hari yang orang agama Yahudi tara bole bakarja, dorang mo kase sala pa Dia.

Matius 12:10 ပူးပေါင်းရင်းမြစ်များ

Matius 12:2

Di situ, ada orang-orang Yahudi dari aliran fanatik yang pe nama Farisi. Waktu dorang lia apa yang murit-murit biking itu, dorang bilang pa Yesus, “Coba lia Bapa pe murit-murit itu! Dorang bakarja bapete gandum di hari Sabat! Itu dorang so langgar torang pe aturan agama!”

Matius 19:3

Turus, babarapa orang agama Yahudi dari aliran fanatik yang pe nama Farisi datang untuk cari-cari Yesus pe sala. Dorang tanya pa Dia bagini, “Kalu mo iko torang pe aturan agama, bole ka tarada laki-laki yang so kawing, cere dia pe bini pake alasan apa saja?”

Markus 3:2

deng ada lagi orang-orang Yahudi dari aliran Farisi. Dorang lia-lia turus pa Yesus. Kalu Yesus kase sembu orang itu di hari Sabat, hari yang orang agama Yahudi tara bole bakarja itu, dorang dapa alasan untuk kase sala pa Dia.

Lukas 11:54

Dorang biking bagitu la mo cari Dia pe sala dari Dia pe bicara itu.

Lukas 13:14

Pe lia itu, kapala ruma ibada agama Yahudi itu mara, barang Yesus so kase sembu orang di hari Sabat. Karna itu, dia bilang pa orang banya di situ, “Ada anam hari torang pake untuk bakarja. Kalu ngoni mau sembu, datang di hari-hari itu. Jangan di hari Sabat.”

Lukas 20:22

Jadi skarang, torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”

Lukas 23:14

Turus dia bilang pa dorang, “Ngoni so bawa Orang ini pa kita, bilang kata, Dia so pengaru banya orang supaya malawang pa pemerinta. Tapi skarang ngoni lia! Kita so priksa pa Dia pa ngoni pe muka, tapi kita tara dapa Dia pe sala sama deng yang ngoni bilang, biar cuma satu.

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Yohanes 5:10

Jadi, pemimpin-pemimpin agama Yahudi bilang pa orang yang baru sembu itu bagini, “Hari ini, hari Sabat to? Kalu iko torang pe agama pe aturan, bapa tara bole bakarja angka tikar.”

Yohanes 5:3

Di teras-teras itu ada banya skali orang saki yang sementara babatidor: ada orang-orang buta, ada orang-orang tempang deng ada orang-orang lumpu. [Dorang samua tunggu-tunggu aer yang di kolam itu bagoyang,

Yohanes 7:23

Jadi, kalu ngoni sunat orang di hari Sabat supaya nabi Musa pe aturan itu ngoni tara langgar, bikiapa kong ngoni mara pa Kita waktu Kita ada kase sembu satu orang pas di hari Sabat?

Yohanes 8:6

Dorang tanya bagitu untuk tes pa Yesus, supaya kalu Dia jawab sala, dorang ada alasan untuk kase sala pa Dia. Tapi Yesus cuma maruku kong batulis deng Dia pe jari di tana.

Yohanes 9:16

Kong ada dari dorang yang aliran Farisi itu bilang, “Orang yang kase sembu pa orang ini, tara mungkin Tuhan Allah yang utus, barang Dia tara iko aturan agama tentang hari Sabat.” Tapi yang laeng bilang, “Kalu Dia orang berdosa, tara mungkin dia bisa biking mujizat macam bagitu.” Kong dorang deng dorang baku malawang tara abis-abis.