Matius 11:21 - Perjanjian Baru Bahasa Melayu Maluku Utara

²¹ Yesus bilang, “Ee ngoni orang-orang Khorazim deng Betsaida! Cilaka suda ngoni! Tuhan Allah mo hukum pa ngoni barát skali, karna Kita so biking mujizat-mujizat pa ngoni tapi ngoni tara mau percaya kong bertobat. Padahal kalu jaman dulu mujizat-mujizat itu Kita biking pa orang-orang di kota Tirus deng Sidon, biar dorang jahat, pasti dong so bertobat kong taru abu pa dong pe kapala deng pake baju karong, tanda dong manyasal dari dong pe dosa.

Matius 11:21 ပူးပေါင်းရင်းမြစ်များ

Matius 11:22

Inga bae-bae e, nanti di hari kiamat, waktu Tuhan mo adili pa samua orang, orang-orang Tirus deng Sidon pe hukuman akan lebe ringan dari ngoni.

Matius 15:21

Abis itu, Yesus deng Dia pe murit-murit barangkat dari situ, kong dorang pigi di daera yang dekat kota Tirus deng kota Sidon.

Matius 18:7

Cilaka suda orang-orang di dunia ini, karna ada banya hal yang biking orang-orang tagoda biking dosa sampe jadi tara percaya lagi. Memang hal-hal itu pasti mo ada, tapi cilaka suda orang yang biking sampe orang laeng jadi bagitu.

Matius 26:24

Memang Anak Manusia yang dari sorga akan mati sama deng yang Tuhan Allah so tentukan dulu. Nabi-nabi so tulis bagitu di Kitab Suci. Tapi cilaka suda orang yang bahianat pa Anak Manusia, dia akan dapa hukuman yang barát! Orang itu lebe bae dia tara usa lahir di dunia ini.”

Markus 3:8

kota Yerusalem, daera Idumea, deng dari daera kali Yordan pe sabla, deng sekitar kota Tirus deng kota Sidon. Dorang itu me masi iko pa Yesus, barang dorang so perna dengar apa yang Dia biking.

Markus 6:45

Abis itu, Yesus langsung suru Dia pe murit-murit nae di parau, la pigi kamuka di kampong Betsaida yang di sabla talaga. Sementara itu, Dia suru orang banya itu pulang.

Markus 7:24

Turus Yesus deng Dia pe murit-murit kase tinggal tampa itu, kong pigi di daera yang dekat kota Tirus. Yesus langsung maso di dalam ruma, karna Dia tara mau orang tau Dia ada di situ. Tapi biar bagitu me orang dapa tau Yesus ada di situ.

Markus 7:31

Abis itu, Yesus deng Dia pe murit-murit kase tinggal daera Tirus, iko di kota Sidon. Dorang pigi di talaga Galilea, di daera Dekapolis.

Markus 8:22

Waktu Yesus deng Dia pe murit-murit sampe di Betsaida, ada babarapa orang bawa orang buta satu pa Yesus. Dorang bamohon pa Yesus la Yesus taru Dia pe tangan pa orang itu supaya dia sembu.

Lukas 4:26

Tapi biar bagitu me, nabi Elia tara dapa suru pigi pa dorang yang satu bangsa deng dia, mala Tuhan utus dia pigi pa ibu janda satu yang bukang dari orang Israel pe turunan. Janda itu tinggal di Sarfat, di daera Sidon.

Lukas 6:17

Abis itu, Yesus turung dari gunung sama-sama deng Dia pe murit-murit dua blas orang, kong dong berenti di tampa satu yang rata. Di situ me so ada banya orang yang jaga iko pa Dia deng banya orang laeng lagi yang datang dari daera Yudea, dari kota Yerusalem, deng dari Tirus deng Sidon, dua kota yang ada di pinggir pante.

Lukas 9:10

Yesus pe murit-murit yang Dia utus itu, skarang so bale. Dorang carita pa Yesus samua yang dorang so biking. Abis itu, Yesus bawa pa dorang di tampa yang sunyi dekat kota yang pe nama Betsaida la dorang tasandiri di situ.

Yohanes 1:44

Filipus pe asal dari kota Betsaida, satu asal deng Andreas deng Petrus.

Yohanes 12:21

Dorang itu pigi pa Filipus. Filipus itu dari kampong Betsaida di daera Galilea. Kong dorang bilang pa dia, “Bapa, torang ingin mo baku dapa deng Yesus.”

Kisah Para Rasul 12:20

Raja Herodes paling mara pa orang dari kota Tirus deng Sidon. Padahal dorang jaga babili makanang di daera yang raja Herodes kuasai. Jadi dorang baku ator mo datang mangada pa dia. Dorang buju dulu pa Blastus, orang yang jaga urus Herodes pe istana, supaya dia bantu pa dorang la baku bae deng Herodes.

Kisah Para Rasul 27:3

Dia pe beso, kapal basingga di kota Sidon. Komandan Yulius bae skali pa Paulus sampe dia kase ijin Paulus pigi ka dara pa dia pe tamang-tamang la dorang bole kase apa-apa yang Paulus perlu.

Yudas 1:11

Cilaka suda dorang! Tuhan Allah akan kase hukuman pa dorang nanti karna dorang orang yang jahat macam deng Kain. Dorang me berdosa sama deng Bileam, yang bawa orang Israel biking dosa cuma karna golojo doi. Kong dorang me sama deng Korah yang malawang pa Tuhan Allah, jadi dorang akan dapa hukuman lagi.

Wahyu 11:3

Kita akan utus dua orang untuk jadi Kita pe saksi, supaya dorang mo kase tau Kita pe pasáng tentang apa yang akan jadi nanti. Dorang mo kase tau pasáng itu pa orang-orang selama saribu dua ratus anam pulu ribu hari. Dorang akan pake baju duka karna sedi deng apa yang mo jadi di kota itu.”

Wahyu 6:12

Turus kita lia lagi Anak Domba buka segel yang keanam. Waktu itu suda, ada tana goyang kuat skali. Matahari jadi itam sama deng kaeng itam. Kong bulan jadi mera sama deng dara.