Matius 11:20 - Perjanjian Baru Bahasa Melayu Maluku Utara

²⁰ Abis itu, Yesus mulai mara pa orang-orang yang ada di babarapa kota, karna biar Dia so banya kali biking mujizat, tapi dorang tara mau bertobat.

Matius 11:20 ပူးပေါင်းရင်းမြစ်များ

Matius 12:41

Nanti di waktu Tuhan mo adili pa samua orang, orang-orang Niniwe dulu akan hidup ulang sama-sama deng ngoni orang-orang skarang ini, kong dorang akan kase sala pa ngoni. Barang, orang-orang Niniwe itu bertobat waktu Yunus kase tau Tuhan Allah pe pasáng pa dorang. Tapi skarang ini di sini, ada Orang yang lebe penting dari nabi Yunus, kong ngoni tara mo dengar la bertobat tu!

Markus 16:14

Dia pe ahir kabawa, Yesus kase tunju Dia pe diri pa Dia pe murit-murit seblas orang itu waktu dorang sementara makang. Kong Yesus togor pa dorang karna dorang pe hati karas deng karna dorang tara percaya pa orang-orang yang so lia, Dia so hidup ulang.

Markus 9:19

Kong Yesus bilang pa dorang bagini, “Bukang maeng ngoni orang-orang skarang ini yang tara percaya! Barapa lama lagi Kita musti sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Kisah Para Rasul 17:20

Ajaran itu baru skarang torang dengar, jadi torang suka mo cari tau samua itu pe arti apa.”

2 Korintus 12:21

Kita hawater, kalu kita datang itu, kita dapa ngoni masi biking dosa sama deng dulu, kong ngoni bolong bertobat. Kalu bagitu, kita jadi malu pa Tuhan Allah pe muka, kong kita mo manangis karna banya dari ngoni yang pe kalakuang masi cafarune, yang baseks sabarang, deng yang masi biking hal-hal yang tara pantas untuk mo biking.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Wahyu 16:11

Dorang kase tara bae Tuhan Allah yang di sorga pe nama karna bisol-bisol yang timbul pa dorang itu, deng karna saki yang dorang rasa itu. Tapi tetap dorang tara mau bertobat dari kalakuang jahat yang dorang biking itu.

Wahyu 16:9

Sinar matahari yang panas skali itu biking sampe manusia pe kuli angus. Tapi, biar bagitu, dorang tetap tara mau bertobat deng dorang tara mau puji deng hormat pa Tuhan Allah. Kong lebe soe lagi, dorang kase tara bae Tuhan Allah pe nama yang ada kuasa biking cilaka-cilaka itu.

Wahyu 2:21

Kita so kase waktu untuk parampuang itu babarapa kali la dia bertobat, tapi dia tara mau kong dia baseks sabarang turus.