Matius 11:2 - Perjanjian Baru Bahasa Melayu Maluku Utara

² Waktu itu, Yohanes Pembaptis ada di penjara. Kong waktu Yohanes dengar tentang samua yang Yesus Kristus biking, dia suru dia pe murit-murit pigi batanya pa Yesus.

Matius 11:2 ပူးပေါင်းရင်းမြစ်များ

Matius 1:17

Jadi mulai dari Abraham sampe pa raja Daud, ada ampa blas turunan. Dari raja Daud sampe waktu bangsa Israel dapa buang deng dapa jaja di Babel, ada ampa blas turunan lagi. Kong dari bangsa Israel hidup di Babel sampe waktu Yesus Kristus lahir, ada ampa blas turunan.

Matius 14:3

Raja Herodes bilang bagitu, barang tempo hari, dia yang suru tangka pa Yohanes kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, Herodes pe sudara sandiri.

Matius 4:12

Waktu itu, Yesus dapa dengar, Yohanes Pembaptis dapa maso di penjara. Pe dengar kabar itu, Dia pulang di kampong Nazaret di daera Galilea.

Matius 9:14

Abis itu, Yohanes Pembaptis pe murit-murit datang pa Yesus. Dorang tanya pa Dia, “Bikiapa kong torang deng orang-orang dari aliran Farisi jaga bapuasa tapi Bapa pe murit-murit tarada?”

Markus 6:17

Raja Herodes bilang bagitu, barang tempo hari dia yang suru tangka pa Yohanes, kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, raja Herodes pe sudara sandiri.

Lukas 3:19

Yohanes me togor pa raja Herodes. Herodes ini berkuasa di daera Galilea. Yohanes togor pa Herodes, barang Herodes kawing deng Herodias, dia pe ipar sandiri. Yohanes me togor lagi pa Herodes, barang banya skali kajahatan laeng yang Herodes biking.

Lukas 9:7

Waktu itu, Herodes yang jadi raja di daera Galilea. Dia dengar tentang samua yang Yesus biking. Dia penasaran, barang ada orang yang bilang kata, Yesus itu Yohanes Pembaptis yang dulu mati tapi so hidup ulang.

Yohanes 4:1

Orang-orang Yahudi dari aliran Farisi dengar kabar, banya orang so iko pa Yesus, deng kata, Dia so baptis orang lebe banya dari Yohanes.